आदर्श अनलाइन, पोखरा
पोखराको महेन्द्रपुलस्थित पुरानो सपिङ केन्द्र विशालबजारमा २ जना कोरोना संक्रमित भेटिएपछि अहिले उक्त क्षेत्र पूर्णतयः शिल गरिएको छ ।
पोखरा महानगर स्वास्थ्य शाखाका अधिकृत हरिलाल आचार्यले विशालबजारमा पसल चलाएर बस्ने दम्पतीमा संक्रमण भएको पुष्टी गरेका छन् । उक्त सूचना पाएलगत्तै बिशालबजारका सम्पूर्ण पसल बन्द गरिएको छ ।
‘हामीले संक्रमणको सूचना पाए लगत्तै दिउँसो १२ बजे पसल बन्द गरेर निस्किसकेका छौं’ एक व्यवसायीले जानकारी दिए । विशालबजारमा करिब २ सय ४० पसल रहेका छन् ।
यता, स्थानीय प्रशासनले आज राति १२ बजेदेखि कास्की क्षेत्रमा निषेधाज्ञा जारी गरेको छ ।