आदर्श अनलाइन, स्याङ्जा
स्याङ्जामा बिहीबार एक बालिका पानीको ट्याङकी भित्र डुबेको अवस्थामा मृत फेला परेकी छन् ।
फेदीखोला गाउँपालिका-१ सर्केटारी स्थित अर्जुनकुमार गुरुङको घरमा विगत ७ वर्षदेखि बस्दै आएकी १२ वर्षीया बालिका सन्ध्या सारु मगर बुधबार बिहान घरदेखी एक सय ५० मीटर माथि पानीको ट्याङ्कीमा मृत अवस्थामा फेला परेकी हुन् ।
बुधबार बिहानदेखि हराएकी सन्ध्याको खोजी गर्ने क्रममा बिहीबार बिहान पानी ट्याङमा मृत अवस्थामा फेला परेको गण्डकी प्रदेश प्रहरी कार्यालय पोखराका प्रहरी नायव उपरीक्षक राजकुमार थिङले जानकारी दिनुभयो ।
बाबुआमाको परिचय नखुलेकी ती बालिकालाई गुरुङले पाँच वर्षको उमेरदेखि धर्महुन्छ भन्दै पाल्दै आएका थिए । घटनाको बारेमा अनुसन्धान अगाडि बढाइएको प्रहरीले जनाएको छ ।
