आदर्श अनलाइन,बागलुङ
बागलुङ जिल्लामा क्रियाशिल दुई पत्रकार पुरस्कृत भएका छन् ।
बागलुङ उद्योग वाणिज्य संघले स्थापना गरेको ‘आर्थिक पत्रकारिता पुरस्कार’ नयाँ विश्व अनलाइनका सम्पादक मुकेशचन्द्र राजभण्डारीलाई प्रदान गरिएको छ । संघको ५७ औँ साधारणसभामा पूर्वप्रधानन्यायाधीश कल्याण श्रेष्ठ र नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले संयुक्त रूपमा नगद ११ हजार १ सय ११ राशी सहित पुरस्कार राजभण्डारीलाई प्रदान गरेका थिए
पुरस्कारका लागि सङ्घले गत वर्ष पुसमा सञ्चालित बागलुङ महोत्सवमा बचत भएको रकमबाट रु दुई लाख २२ हजार २२२ को अक्षयकोष स्थापना गरेको थियो । आर्थिक विषयमा कलम चलाउने पत्रकारलाई बर्सेनि पुरस्कृत गरिने संघका महासचिव नरेश कँडेलले जानकारी दिए ।
यसैगरी, सिम्रिक कृषि तथा पशु व्यवसायीक सहकारी संस्था लिमिटेड बागलुङले स्थापना गरेको ‘कृषि पत्रकारीता पुरस्कार’ गोरखापत्र दैनिकका गण्डकी प्रदेश संयोजक चन्द्रप्रकाश शर्मा ‘गणेश’लाई प्रदान गरिएको छ । सहकारीले आफ्नो साधारणसभाका अबसरमा शनिवार उक्त पुरस्कार समर्पण गरेको हो ।
जिल्ला सहकारी संघका अध्यक्ष दिपक गौतमले उनलाई एक हजार पाँच सय रुपैयाँ नगद सहित दोसल्ला ओडाएर सम्मान गरे । सहकारीले कृषि क्षेत्रमा कलम चलाउने एक जना पत्रकारलाई हरेक बर्ष पुरस्कृत गर्दै आएको छ ।
‘
