आदर्श अनलाइन, तनहुँ
तनहुँको भानु नगरपालिका कार्यक्षेत्र भई राष्ट्रिय पुनर्निर्माण प्राधिकरण जिल्ला आयोजना कार्यान्वयन इकाई (शिक्षा) अन्तर्गत कार्यरत सवइन्जिनियर सुरेन्द्र अधिकारीलाई अख्तियार दुरुपयोग आयोगले नियन्त्रणमा लिएको छ ।
अधिकारीले आफ्नो कार्यक्षेत्र भित्रको विद्यालयको भौतिक संरचना निर्माणमा निकासा दिलाइदिए वापत सेवाग्राहीसँग अतिरिक्त रकम माग गरिरहेको भन्ने सूचना एवं उजुरी निवेदन आयोगमा परेको थियो । आयोगको कार्यालय पोखराबाट खटिई गएको टोलीले अधिकारीलाई रकम सहित पक्राउ गरेको जनाएको छ ।
सेवाग्राहीबाट एक लाख पचास हजार रुपैयाँ लिइसकेको अवस्थामा बुधबार रकमसहित भानु नगरपालिका वडा नं २ बाट नियन्त्रणमा लिइएको थियो । यसबारेमा थप अनुसन्धान भइरहेको आयोगका प्रवक्ता तारानाथ अधिकारीले जानकारी दिनु भएको छ ।
