–आदर्श अनलाइन, बागलुङ
बागलुङमा कोरोना भाइरसको दर बढ्दै गएपछि सर्तकता अपनाउन थालिएको छ ।
आज बसेको जिल्ला कोभिड संकट व्यवस्थापन समितिको बैठकले कोरोना जोखिमलाई मध्यनजर गर्दै भीडभाड कम गर्न र कोरोना नियन्त्रणका लागि मठ मन्दिर प्रवेशमा वैशाख महिना सम्म रोक लगाएको छ ।
बागलुङको कालिका मन्दिर, पञ्चकोट, राम मन्दिर लगायतका स्थानमा वैशाख मसान्त भीत्र प्रवेशमा रोक लागइएको प्रमुख जिल्ला अधिकारी शिव कुमार कार्कीले जानकारी दिनुभयो ।
यस्तै पार्टी प्यालेस, डान्स बार, सिनेमा हल, आम सभा लगायत भीड भाड हुँने स्थानहरु समेत वैशाख मसान्त सम्म रोक लगाएको छ ।
मास्क बीना कार्यालय र पसलमा प्रवेश गर्न रोक लगाउने, होटल तथा रेष्टुराँ बिहान ८ बजेदेखि वेलुका ८ बजे सम्म सञ्चालन गर्ने निर्णय गरिएको छ । प्रशासनले बलेवामा कोरोना जोखिम बढेको भन्दै बागलुङ नगरपालिकाको बलेवाको वडा नं. १२, १३, १४ मा वैशाख १७ गते सम्म निषेधाज्ञा गर्ने निर्णय गरेको छ ।
बागलुङ नगरपालिका–१४ को जनताधन माध्यामिक विद्यालयका १९ जना विद्यार्थी र २ जना शिक्षक सहित सोही वडाका अन्य १८ जनामा कोरोना संक्रमण पुष्टी भएपछि आएपछि सर्तकता अपनाउन थालिएका
