–आदर्श अनलाइन, बागलुङ
गत वर्ष आफ्नै घरमा भएको आगलागीमा परी मृत्यु भएका बागलुङ जिल्लाको बरेङ गाउँपालिका–३ बाटाकाचौरका वडा अध्यक्ष पूर्ण खनालको वार्षिक पूण्य तिथिको अवसरमा शालिक अनावरण गरिएको छ ।
बरेङ गाउँपालिकाले निर्माण गरेको अर्धकदको शालिक खनालको मृत्यू भएको वार्षिक पुण्य तिथिमा शुक्रबार अनावरण गरिएको बरेङ गाउँपालिकाले जनाएको छ ।
आगलागीबाट घाइते पूर्ण खनालको २०७७ वैशाख १७ गते उपचारको क्रममा मृत्यु भएको थियो ।
बरेङ गाउँपालिका–३ बाटाकाचौरको वडा कार्यालय परिसरमा खनालको अर्धकतको शालिक संघीय सांसद डा. सुर्य पाठकाले अनावरण गर्नुभएको थियो ।
अनावरणपछि बोल्दै सांसद डा. पाठकले पूर्ण खनालले देखेको विकासको सपना पुरा गर्न आफूले सक्दो प्रयास र पहल गर्ने बताउनुभयो । आगलागीमा परी वडा अध्यक्ष खनाल संगै छोरा समिर खनालको समेत मृत्यु भएको थियो ।
कार्यक्रममा बरेङ गाउँपालिका अध्यक्ष कृष्ण प्रसाद शर्मा, बरेङ गाउँपालिका–३ का कार्यवाहक वडा अध्यक्ष दुर्गा कार्की र परिवारको तर्फबाट खनालका दाजु शेर बहादुर खनाल लगायतले मन्तव्य राख्नुभएको थियो ।
कार्यक्रम गाउँपालिका उपप्रमुख दिलमाया पुनको अध्यक्षता नर बाहादुर बिकको सञ्चालनमा सम्पन्न भएको थियो ।