आदर्श अनलाइन, बागलुङ
पत्रकार महासंघ बागलुङ शाखालाई पत्रकारहरुका लागि आवश्यक स्वास्थ्य सामाग्री सहयोग प्राप्त भएको छ । पत्रकार महासंघमा निर्माण गर्न थालिएको आइसोलेसनमा आवश्यक पर्ने स्वास्थ्य सामाग्री सहयोग प्राप्त भएको नेपाल पत्रकार महासंघ बागलुङ शाखाले जनाएको छ ।
कोरोनाको दोस्रो लहर आइरहेको सन्र्दभमा पत्रकारहरु समेत कोरोनाको उच्च जोखिममा रहेको सन्र्दभमा नेपाल पत्रकार महासंघ बागलुङ शाखाले सभाहलमा निर्माण गरिएको १० वेड क्षमताको आइसोलेशनका लागि बागलुङ्का व्यवसायी निलकण्ठ शर्माले २२ हजार बराबरको स्वास्थ्य सामाग्री पत्रकार महासंघलाई हस्तान्तरण गर्नुभएको महासंघ बागलुङ शाखाका अध्यक्ष नरेश कँडेलले जानकारी दिनुभयो ।
बर्दश सर्जिकल एण्ड डाइगेष्किट प्राइभेट लिमिटेड बागलुङका सञ्चालक रहनुभएका शर्माले पत्रकार महासंघलाई पाँच लिटर स्यानीटाइजर क्षमताको विद्युतीय स्यानिटाइजर डिस्पेन्सर, माक्स २५० थान, ५ लिटर स्यानीटाइजर, पल्स अक्सोमिटर, डिजिटल रक्तचाप परिक्षण औजार, डिजिटल थर्मोमिटर र हेण्ड वास एकथान सहयोग गर्नुभएको अध्यक्ष कँडेलले बताउनुभयो ।
