आदर्श अनलाइन,बुर्तिबाङ
जिल्लाको पश्चिम क्षेत्रका लागि ढोरपाटन एफएमले सञ्चालनमा ल्याएको एम्बुलेन्स पाल्पामा दुर्घटना भएको छ ।
बुर्तिबाङदेखि बुटवल जाँदै गरेको प्रदेश -३, ०१०२४ च ५९३० नम्बरको एम्बुलेन्स पाल्पाको दोभानमा दुर्घटना हुँदा तीन जना घाइते भएका छन् । शुक्रबार बिहान ४ बजे विपरित दिशाबाट आएको ट्रकले ठक्कर दिँदा दुर्घटना भएको प्रहरी चौकि दोभान पाल्पाका हवल्दार चुडामणी पोखरेलले जानकारी दिनुभयो ।
एम्बुलेन्स क्षतिग्रस्त अवस्थामा छ । दुर्घटनामा घाइते भएका चालक सहित दुईको अवस्था सामान्य रहे पनि बुर्तिबाङका स्वास्थ्यकर्मी सिताराम बोहोराको भने खुट्टामा चोट लागेको छ । बोहोरा बुर्तिबाङ इमरजेन्सी फार्मेसीका संचालक समेत हुनुहुन्छ । बुटवल रिफर गरिएका बिरामीसँगै, स्वास्थ्य सामग्री लिन जाँदा बोहोरा दुर्घटनामा पर्नुभएको हो । प्रभु बैंक र ग्लोवल आइएमई बैंकले खरिद गरि बुर्तिबाङ स्थित रेडियो ढोरपाटनले सञ्चालन गर्दै आएको छ । दुर्घटनामा परेको एम्बुलेन्स समेत क्षेतविक्षेत भएको बताइएको छ ।
