आदर्श अनलाइन, बागलुङ
धौलागिरी अस्पतालको ल्याबमा बिहिवार गरिएको पिसिआर परिक्षणमा थप ११५ जनालाई संक्रमण पुष्टि भएको जिल्ला स्वास्थ्य कार्यालय बागलुङका कोभिड–१९ फोकलपर्सन देवप्रकाश घिमिरेले जानकारी दिनुभयो । उहाँले धौलागिरी अस्पताल, बागलुङ नगरपालिका, काठेखोला गाउँपालिका, ढोरपाटन नगरपालिका, निसीखोला गाउँपालिका, गल्कोट नगरपालिका, बरेङ गाउँपालिका र तमानखोला गाउँपालिकाले संकलन गरेको ३ सय २१ जनाको स्वाबको पिसिआर परिक्षण गर्दा १ सय १५ जनालाई संक्रमण पुष्टि भएको बताउनुभयो ।
अस्पतालले संकलन गरेको ४८ जनाको पिसिआर परिक्षणमा २२ जना, बागलुङ नगरपालिकाले संकलन गरिएको ४८ जनाको पिसिआर परिक्षणमा १६ जना, काठेखोला गाउँपालिकाले संकलन गरेको ८ जनाको पिसिआर परिक्षणमा २ जना, ढोरपाटन नगरपालिकाले संकलन गरेको ५० जनाको पिसिआर परिक्षणमा २२ जना, निसीखोला गाउँपालिकाले संकलन गरेको ४४ जनाको पिसिआर परिक्षणमा ६ जना, गल्कोट नगरपालिकाले संकलन गरेको ७६ जनाको पिसिआर परिक्षणमा २२ जना, बरेङ गाउँपालिकाले संकलन गरेको १७ जनाको पिसिआर परिक्षणमा २ जना र तमानखोला गाउँपालिकाले संकलन गरेको ३० जनाको पिसिआर परिक्षणमा २३ जनालाई कोरोना भाइरस संक्रमण पुष्टि भएको बताउनुभयो ।