आदर्श अनलाइन, बागलुङ
जिल्लाको पैयुपाटामा कोरोना संक्रमणको कारण एक २५ वर्षीया महिलाको ज्यान गएको छ ।
बागलुङ नगरपालिका वडा नम्बर १३ पैयुँपाटाकी २५ वर्षीया महिलाको आज विहान धौलागिरी अस्पतालमा उपचारका क्रममा मृत्यु भएको हो । यो सँगै बागलुङमा कोरोना संक्रमणबाट मृत्यु हुनेको संख्या ४० पुगेको छ ।
संक्रमित महिला रक्तअल्पता र कोभिड निमोनियाको समस्याबाट ग्रसित रहेको स्वास्थ्य कार्यालय बागलुङका कोभिड–१९ फोकलपर्सन देवप्रकाश घिमिरेले जानकारी दिनुभयो ।
स्वास्थ्यमा समस्या भएपछि जेठ १२ गते धौलागिरी अस्पतालमा भर्ना भएकी महिलाको अस्पतालले पिसिआर परिक्षण गर्दा कोरोना संक्रमण पुष्टि भएको थियो ।