फाइल तस्बिर
आदर्श अनलाइन,बागलुङ
जिल्लामा कोरोना संक्रमणबाट गलकोटकी २० वर्षिय युवतीको मृत्यु भएको छ ।
गल्कोट कोभिड अस्पतालमा उपचाररत गल्कोट नगरपालिका वडा नम्बर ५ की २० वर्षीया युवतीको मंगलबार मृत्यु भएको स्वास्थ्य कार्यालय बागलुङका कोभिड–१९ फोकलपर्सन देवप्रकाश घिमिरेले बताउनुभयो ।
स्वास्थ्यमा समस्या देखिएपछि भदौ १७ गते एन्टिजेन परीक्षण गर्दा युवतीमा कोरोना संक्रमण पुष्टि भएको थियो । उनलाई जटिल प्रकारको कोभिड निमोनिया र रगत क्यान्सरको समस्या रहेकाले उपचारमा थप जटिलता देखिएको थियो ।
यो सँगै बागलुङमा कोरोना भाइरस संक्रमणबाट मृत्यु हुनेको संख्या ६९ पुगेको छ ।