आदर्श अनलाइन, पोखरा
जुवा तास खेलिरहेका ६ जनालाई बुधबार कास्की प्रहरीले पक्राउ गरेको छ। पोखरा महानगरपालिका -९ पृथ्वीचोकस्थित स्याङ्गजा बुटवल खाजा घरबाट जुवा तास खेलिरहेका ६ जनालाई पक्राउ गरेको जिल्ला प्रहरी कार्यालय कास्कीले जनाएको छ।
प्रहरीका अनुसार पक्राउ पर्नेमा उक्त खाजा घरमा जुवा तास खेलिरहेको भन्ने सूचनाका आधारमा खटिएको प्रहरीको टोलीले उनीहरुलाई पक्राउ गरेको हो।
पक्राउ पर्नेमा मोरङ जिल्ला स्थायी घर भइ हाल जिल्ला पोखरा – ९ नागढुङ्गा बस्ने ४३ वर्षीय तिलक बिक, पर्वत जिल्ला मोदी गाउँपालिका – ६ तिलाहार वस्ने ५४ वर्षीय याम बहादुर लामिछाने, स्याङ्गजा जिल्ला बिरुवा गाउँपालिका – ३ धोवादी बस्ने ४६ वर्षीय चुन बहादुर थापा, पर्वत जिल्ला भोर्ले गाउँपालिका – ४ पैयुँ घर भइ हाल जिल्ला कास्की पोखरा – ९ नयाँबजार बस्ने ४८ वर्षीय जित बहादुर गुरुङ, पोखरा – ६ लेकसाईड जरेवर बस्ने ३२ वर्षीय बसन्त श्रेष्ठ र स्याङ्जा जिल्ला बिरुवा गाउँपालिका – ३ धोवादी बस्ने २६ वर्षीय विनोद बिक रहेका छन्।
प्रहरीले उनीहरुको साथबाट २ लाख ८६ हजार ७ सय २० रुपैयाँ नगद वरामद गरेको छ भने, सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर अन्तर्गत जुवा खेल्न वा सट्टा बाजी गर्न नहुने मुद्दा शीर्षकमा अनुसन्धान प्रकृया अगाडी बढाइएको प्रहरीले जनाएको छ ।
