आदर्श अनलाइन, बागलुङ
बागलुङ जिल्लाको काठेखोला गाउँपालिका–७ रेश स्थित ऐतिहासिक स्थल ओदानडाँडालाई विभिन्न माध्यमबाट सहयोग पु¥याएने २५ जनालाई सम्मान गरिएको छ ।
आज ओदानडाँडा मन्दिर व्यवस्थापन तथा संरक्षण संस्थाले एक कार्यक्रमको आयोजना गरी ओदानडाँडाको संरक्षणमा आर्थिक, नैतिक र भौतिक सहयोग गर्नेलाई सम्मान गरिएको छ ।
सम्मान कार्यक्रममा बोल्दै काठेखोला गाउँपालिका–७ का वडा अध्यक्ष प्रेम लामिछानेले सयौ वर्ष पुरानो कृतिम ओदान संरक्षण गरिरहेको स्थानलाई धार्मीक पर्यटकीय गन्तव्य बनाउन आवश्यक रहेको बताउनुभयो । उहाँले ओदानडाँडाको संरक्षण, विकास तथा यस स्थानदेखि धनिखोरिया जोड्ने झोलोङ्गे पुल निर्माणमा गाउँपालिकाले पहल गर्ने बताउनुभयो ।
उहाँले ओदानडाँडामा सहज पहुँचका लागि पदमार्ग यसैवर्ष निर्माण गरिने बताउनुभयो । यस वर्ष गाउँपालिकाको सहयोगमा सत्तल निर्माण गरिएको जानकारी दिनुभयो । कार्यक्रमका ओदानडाँडा संरक्षण, मन्दिर निर्माण लगायतमा सहयोग पु¥याउने वडा अध्यक्ष प्रेम लामिछाने, काठेखोला गाउँपालिका कार्यपालिका सदस्य सारदा थापा, अभिवक्ता राजु प्रसाद गौतम, सिगाना माध्यामिक विद्यालयका प्रचार्य गोपाल कुमार शर्मा, दिनानाथ शर्मा, र साना किसान सहकारी संस्थाका अध्यक्ष याम बहादुर कार्की लगायत २५ जनालाई सम्मान गरिएको थियो ।
गौतमहरुको संरक्षणमा रहेको उक्त ओदानडाँडालाई धार्मिक पर्यटकीय गन्तव्य बनाउनका लागि साझा संकल्प आवश्यक रहेको सम्मान कार्यक्रममा सहभागी वक्ताहरुले बताउनुभयो ।
कार्यक्रममा काठेखोला गाउँकार्यपालिका सदस्य शारदा थापा, सिगाना माध्यामिक विद्यालयका प्रचार्य गोपाल कुमार शर्मा, धौलागिरी क्याम्पसका पूर्व सह–प्रध्यापक हरी प्रसाद गौतम, दिनानाथ गौतम र रेश नून्थला माध्यामिक विद्यालयका प्रधानध्यापक ओम बहादुर थापा लगायतले शुभकामना मन्तव्य व्यक्त गर्नुभयो ।
कार्यक्रममाआय व्यय प्रस्तुत कार्यक्रममा रामचन्द्र गौतम, गोविन्द प्रसाद गौतमले गर्नूभएको थियो । कार्यक्रम ओदानडाँडा मन्दिर तथा संरक्षण संस्थाका अध्यक्ष इश्वरी प्रसाद गौतमको अध्यक्षता, कोषाध्यक्ष विष्णु प्रसाद गौतमको स्वागत तथा प्रजापती गौतमको सञ्चालनमा सम्पन्न भएको थियो