आदर्श अनलाइन, बागलुङ
भगवती प्राथमिक विद्यालय बागलुङ नगरपालिका–८ सिगानाको २५ औं वाषिकोत्सव सम्पन्न भएको छ । वार्षिकोत्सव मूल समारोहलाई सम्बोधन गर्दै प्रमुख अतिथि बागलुङ नगरपालिका–८ सिगानाका वडा अध्यक्ष राजन जिसीले शिक्षाको सुधारका लागि शिक्षक, अभिभावक तथा विद्यार्थीको त्रिकोणात्मक समन्वय आवश्यक रहेको बाताउनुभयो ।
कार्यक्रममा वडा सदस्य प्रेम बहादुर जिसी, भैैण्डाँडा प्राथमिक विद्यालय व्यवस्थापन समितिका अध्यक्ष केदारनाथ गौतम, सिगाना माध्यामिक विद्यालय लामिचौका शिक्षक भुपेन्द्र कार्की, बराह प्रावीका शिक्षक लक्ष्मण मल्ल लगायतले बोल्नुभएको थियो ।
कार्यक्रममा विद्यालयका प्रधानध्यापक भद्र बहादुर कार्कीको प्रगति प्रतिवेदन प्रस्तुत गर्नुभएको थियो । कार्यक्रममा विद्यालयका प्रधानध्यापक भद्र बहादुर कार्की र वडा अध्यक्ष राजन जिसीलाई सम्मान गरिएको थियो ।
कार्यक्रममा विद्यालय व्यवस्थापन समितिका अध्यक्ष गोविन्द्र प्रसाद गौतमको अध्यक्षता, शिक्षक अविभावक संघका अध्यक्ष देवेन्द्र बहादुर कार्कीको स्वागत तथा शिक्षक शिव कुमार खड्काको सञ्चालनमा सम्पन्न भएको थियो ।
