–आदर्श अनलाइन, बागलुङ
नेपाल राष्ट्रिय शिक्षक संगठन बागलुङको महिला बिभागले ११२ औं अन्तराष्ट्रिय श्रमिक महिला दिवसका अवसरमा अन्तर माबि स्तरीय शिक्षकहरुको हाजिरीजवाफ प्रतियोगिता सम्पन्न गरेको छ ।
प्रतियोगितामा बागलुङका ८ विद्यालयका शिक्षकहरुको सहभागी रहेको थियो । ८ टिम रहेको प्रतियोगितामा धौलागिरी बिरेन्द्र माबि प्रथम, बौडेचौर माबि दोस्रो र मालिका आधारभुत विद्यालय तेस्रो भएका छन् ।
कार्यक्रमको उद्घाटन गर्दै प्रदेश सभा सदस्य साबित्रा रानाले समाज रुपान्तरणमा बिद्यार्थी र शिक्षक दुवैको भुमिका महत्वपुर्ण हुने भएकाले जिम्मेवारीपुर्वक अघि बढ्न आग्रह गर्नुभयो । उहाँले सबै बिद्यालय महिला मैत्री हुनुपर्नेमा जोड दिनुभयो ।
सो अवसरमा जिल्ला शिक्षा तथा समन्वय ईकाई बागलुङका प्रमुख कुश्मराज उपाध्याय, नेपाल राष्ट्रिय शिक्षक संगठन बागलुङका अध्यक्ष गंगा शर्मा, बानपा ९ का वडा अध्यक्ष गणेश थापा, नगर शिक्षा अधिकारी धन प्रसाद पोखरेल, नेपाल राष्ट्रिय शिक्षक संगठनका पुर्व केन्द्रिय सदस्य टिकाराम सापकोटा लगायतले शुभकामना मन्तव्य व्यक्त गर्नुभएको थियो ।
कार्यक्रम नेपाल राष्ट्रिय शिक्षक संगठनका उपाध्यक्ष तथा महिला बिभाग प्रमुख ईन्द्रा खड्काको अध्यक्षता र संगठनका सह–कोषाध्यक्ष शान्ति ज्ञवालीको संचालनमा सम्पन्न भएको थियो ।