रोहन जि.सी, बागलुङ
रोट्रयाक्ट क्लव अफ बागलुङले आयोजनामा सुरु भएकाृ रोट्रयाक्ट सप्ताहको चौँथो दिन बुधबार प्राथमिक उपचार बक्स (फस्र्ट एड किट) वितरण तथा महिलाहरुलाई महिनाबारी सम्बन्धी सचेतनामुलक कार्यक्रम सम्पन्न गरेको छ । क्लवले चैत ५ गतेसम्मका लागि विविध कार्यक्रमका साथ सप्ताह सुरु गरेको हो ।
सात दिन सात क्षेत्र भन्ने नाराका साथ शुरु भएको सप्ताहको चौँथो दिन बुधबार प्राथमिक उपचार बाकस वितरण तथा महिलाहरुलाई महिनाबारी सम्बन्धि सचेतना कार्यक्रम गरिएको हो । सो अवसरमा बोल्दै गैरसरकारी संस्था महासंघ बागलुङका अध्यक्ष मुक्तिराम सापकोटाले प्रत्येक घरमा सामान्य उपचारका लागि चाहिने स्वास्थ्य साम्रगी आवश्यक रहेको बताउनुभयो । उहाँले बक्स रहँदा सामान्य चोटपटक हुँदा आफै उपचार गर्न सकिने बताउनुभयो । उहाँले समाजमा सामाजिक कार्यलाई निरन्तरता दिँदै महिलाहरुलाई सशक्त बनाउन क्लवले राम्रो काम गरेको बताउनुभयो ।
कार्यक्रममा मालिका स्वास्थ्य चौकी मालिकाका प्रमुख तथा क्लबका स्वास्थ्य संयोजक लक्ष्मण ढकालले प्राथमिक उपचार बाकस भित्र भएका औषधीको प्रयोग गर्ने तरिका बारे जानकारी गराउनु भएकोे थियो । कार्यक्रममा रोट्रयाक्ट क्लव अफ बागलुङका सदस्य अन्सिका केसीले महिलाहरुलाई महिनाबारी सम्बन्धी सहजिकरण गर्नुभएको थियो ।
सो अवसरमा रोट्रयाक्ट क्लव अफ बागलुङका ४५ घरधुरीलाई ७० वटा प्राथमिक उपचार बक्स वितरण गरिएको छ । उक्त कार्यक्रममा नव मालिका युवा क्लबको समन्वय, वेल्नेस टिम, सफल हस्पिटल प्रा. लि, क्लवको सदस्य मनिसा रायमाझी खड्काको सहयोगमा सम्पन्न भएको सप्ताहका मुल संयोजक झोकेन्द्र थापाले जानकारी दिनुभयो ।
कार्यक्रम क्लवका अध्यक्ष शिवबहादुर केसीको अध्यक्षता, क्लवका आगामी अध्यक्ष एवँ सप्ताहका मुल संयोजक झोकेन्द्र थापाको स्वागत र कार्यक्रम संयोजक तथा क्लबका सदस्य सन्तोष बोहोराको संचालनमा सम्पन्न भएको थियो ।
सप्ताह कार्यक्रम अन्र्तगत क्लबले पहिलो दिन बानपा ४ उपल्लाचौर स्थित सुस्त मनस्थिती बिद्यालयमा शैक्षिक सामाग्री, फलफुल र स्वास्थ्य प्राथमिक उपचार बाकस प्रदान कार्यक्रम गरेको छ । फागुन ३० गते किशोरीहरुलाई स्यानेटरी प्याड बनाउने तालिम, चैत १ गते मंगलवार ट्राफिक तथा लागु औषध सचेतना कार्यक्रम सम्पन्न गरेको छ ।
चैत३ गते बिहीबार होलीसहित पर्यटन प्रवद्र्धनका लागि ट्रेकिङ, चैत ४ गते तिरुपती बालाजी मन्दिरमा चौतारी निर्माण, वृक्षारोपण, स्वागत बोर्ड व्यवस्थापन अथवा तित्याङ स्थित शिवालय मन्दिरमा डस्विन एवं धार्मिक बोर्ड व्यवस्थापन र चैत ५ गते रोटरी क्लव र पत्रकारका बिचमा फुटसलसहित समापन गरिने सप्ताहका मुल संयोजक झोकेन्द्र थापाले बताउनुभयो ।