आदर्श अनलाइन, बागलुङ
आदर्श सञ्चार सहकारी संस्था लिमिटेड बागलुङको १६ औं वार्षिक साधारण सभा एकाइगत रुपमा बागलुङ नगरपालिका वडा नम्बर ५ देखि १४ सम्म आइतबार सम्पन्न भएको छ । मंगलवार काठेखोला गाउँपालिका–७ रेशबाट शुरु भएको साधारणसभा एकाइगत रुपमा सञ्चालन भइरहेको छ ।
६ वटा एकाईमा सञ्चालन हुने साधारणसभाको पाँचौ कार्यक्रम बागलुङ बजारमा सम्पन्न भएको हो । साधारणसभाको उद्घाटन संस्थाका जेष्ठ शेयर सदस्य कर्ण बहादुर कार्कीले गर्नुभएको थियो । उद्घाटन पछि बोल्दै प्रमुख अतिथि जेष्ठ शेयर सदस्य कर्ण बहादुर कार्कीले सहकारीले जनताको हितमा काम गर्ने बताउदै आदर्श सहकारीले जेष्ठ नागरीकलाई पेन्सन दिएर सम्मान गरेकोमा धन्यवाद ज्ञापन गर्नुभयो ।
कार्यक्रममा संस्थाका सम्पादक रामबहादुर जिसीले संस्थाको समग्र अवस्था, सहकारीमा सदस्यको भूमिका र सहकारीलाई सफल बनाउन सदस्यले गर्नु पर्ने कार्यहरुका बारेमा सहजीकरण गर्नु भएको थियो । उहाँले सहकारीले २०८० सालमा नयाँ रणनैतिक योजना बनाएर लागु गर्ने बताउनुभयो । यस्तै संस्थाका सचिव ललिता थापाले संस्थाको प्रगति प्रतिवेदन प्रस्तुत गर्नुभएको थियो ।
कार्यक्रममा उत्कृष्ट बचतकर्ता खिम बहादुर केसी, जिवन जिसी, मञ्जुमाया क्षेत्री, जित बहादुर खड्का, गीता खड्का, बुधराज खड्का र राजेश जिसी प्रसंशा पत्र सहित सम्मानित हुनु भएको थियो ।
त्यस्तै उत्कृष्ट दीर्घकालीन बचतकर्ता तर्फ जित बहादुर खड्का, उत्कृष्ट कर्जा तर्फ हर्क बहादुर थापा मगर र उत्कृष्ट परिवार तर्फ खिम बहादुर केसी, पार्वती केसी, गणेश केसी, चाँदनी केसी र गुडलक केसीलाई सम्मान गरिएको थियो ।
सो अवसरमा जेष्ठ सदस्यलाई पेन्सन समेत वितरण गरिएको थियो । जेष्ठ नागरिक जन कुमारी कार्की, कर्ण बहादुर कार्की, मती कार्की र शिव प्रसाद शाक्यलाई पेन्सन वितरण गरिएको थियो । कार्यक्रममा उत्कृष्ट सञ्चालको रुपमा अम्बिका जिसी र उत्कृष्ट उप–समितिको तर्फबाट कमला खड्का सम्मानित हुनुभएको थियो ।
कार्यक्रमका अवसरमा संस्थाले अपाङ्गता भएका शेयर सदस्यलाई पनि अपाङ्गता भत्ता दिएको छ । बानपा–११ की विना खत्री र बानपा १४ का सन्तोष पौडेललाई अपाङ्गता भत्ता दिईएको थियो । कार्यक्रम संस्थाका अध्यक्ष हुमा कुमारी जि.सी.(अञ्जु) को अध्यक्षता, उपाध्यक्ष अनन्त बहादुर खड्काको स्वागत मन्तव्य र सह–सचिव सरस्वती खड्का परियारको सञ्चालनमा सम्पन्न भएको थियो ।
आदर्श सञ्चार सहकारी संस्थाले सूचना र सञ्चारको क्षेत्रमा विगत १६ वर्षदेखि धौलागिरी जागरण दैनिक, ९ वर्षदेखि अग्रसर साप्ताहिक र ४ वर्षदेखि आदर्शसञ्चार अनलाईन सञ्चालन गर्नुका साथै १० वर्षदेखि धौलागिरी टेलिभिजनमा सहकार्य गर्दै आइरहेको छ ।
संस्थामा हाल ३ हजार ३ सय जना शेयर सदस्य ५ करोड ५५ लाख शेयर रकम, ३० करोड वचत, ३८ करोड कर्जा लगानी सहित ४५ करोड कुल सम्पत्ती रहेको प्रवन्धक दिपकराज सापकोटाले जानकारी दिनुभयो । आगामी असार मसान्तसम्म ५ हजार जना भन्दा बढी शेयर सदस्य, ८ करोड शेयर पूँजी, ४६ करोड वचत, ५१ करोड कर्जा लगानी सहित कुल सम्पत्ती ५६ करोड पु¥याउने लक्ष्य रहेको साधारणसभा जानकारी दिइएको थियो ।
संस्थाले लिएको लक्ष्य पुरा गर्नका लागि प्रत्येक शेयर सदस्यले प्रत्येक वर्ष २ जना शेयर थप (इच वन, क्याच टु) अभियान सञ्चालन गरिएको छ । आदर्श सञ्चार सहकारी संस्थाले सूचना र सञ्चारसंगै धौलागिरी क्षेत्रमा सहकारीताको विकासमा महत्वपूर्ण योगदान गरेको छ । सहकारीका सकारात्मक विषयहरुलाई आम समुदायमा पु¥याउनुका साथै सहकारीमा सुधार गर्नु पर्ने विषयमा सचेत बनाउदै आएको छ ।
सहकारीमार्फत समुदायमा आर्थिक विकास र सामाजिक रुपान्तरणका लागि संस्थाले स्थापनाकाल देखि नै सकारात्मक र सन्देशमुलक कार्यक्रम सञ्चालन गर्दै आइरहेको छ । संस्थाले विद्यालयमा सहकारी शिक्षा, दुव्र्यवसन विरुद्ध आमाहरु अभियान, महिलाहरुले महिनाबारीमा प्रयोग गर्ने प्याड घरमै बनाउने तालिम, महिला शसक्तिकरण, युवा र विद्यार्थीका लागि वित्तीय साक्षरता, पर्यटन प्रवद्र्धनमा सञ्चार सहकारीको भूमिका, स्वास्थ्य शिक्षा र उपचार लगायतका कार्यक्रम सञ्चालन गर्दै आएको छ ।
यस आर्थिक वर्षदेखि सहकारी नमुना गाउँ, वातावरण संरक्षण, सहकारी पुस्तकालय, विपन्नका लागि छात्रवृति लगायतका कार्यक्रम सञ्चालनका लागि प्रस्ताव गरिएको संस्थाका अध्यक्ष हुमा कुमारी जि.सी.(अञ्जु)ले जानकारी दिनुभयो ।
