आदर्श अनलाइन, बागलुङ
‘सिप सिक्नु महिलाको सान, सिकाउनु सहकारीको अभियान’ भन्ने नाराका साथ महिला उद्यमशिलता विकास सहकारी संस्था लिमिटेड बागलुङको २२ औँ साधारणसभा सम्पन्न भएको छ ।
साधारण सभाको उद्घाटन संस्थाका संस्थापक संरक्षक प्राज्ञ प्रेम छोटाले सहकारी अभियान बाट महिलाको महत्वपुर्ण भुमिका रहेको बताउनुभयो । अफ्ठोरो परिस्थीतीमा महिला उद्यमसिला सहकारी जन्मेको चर्चा गर्दै उहाँले सहकारी मार्फत उद्यम संचालन गर्नुपर्नेमा जोड दिनुभयो ।
सो अवसरमा संस्थाका सल्लाहकार कृष्ण शंकर श्रेष्ठ, नेपाल पत्रकार महासंघका पुर्व अध्यक्ष राजेशचन्द्र राजभण्डारी ,सहकारीका संस्थापक अध्यक्ष इन्द्र श्रेष्ठ , सहकारीका संरक्षक चन्द्र कुमारी श्रेष्ठ , सल्लाहकार बिना कार्की ,शेयर सदस्य मनमाया श्रेष्ठ लगायतले यस सहकारीले बचत तथा ऋणमा सिमित नभई उद्यमी बनाउने कार्यक्रम ल्याउनुपर्ने बताउनुभएको थियो ।
साधारणसभामा प्रगति प्रतिवेदन सचिव पुष्पकिरण श्रेष्ठ सैजु ,आर्थिक प्रतिवेदन कोषाध्यक्ष संगीता श्रेष्ठ ,लेखा समितिको प्रतिवेदन लेखा संयोजक रञ्जना श्रेष्ठले प्रस्तुत गर्नुभएको थियो ।
२०५७ सालमा २८ जना महिलाहरूले १४ हजार शेयर ,रकमबाट स्थापना गरेको सहकारी संस्थामा शेयर पुजी ८० लाख ४१ हजार र शेयर सदस्य २ सय ३७ जना पुगेको सहकारीका सचिव पुष्पकिरण श्रेष्ठले प्रतिवेदन मार्फत जानकारी दिनुभयो
सहकारीले आर्थिक बर्ष २०७८/७९ मा २ करोड ५२ लाख १६ हजार ७ सय १० कारोवार गरेको जनाएको छ । सहकारीको खुद नाफा १ लाख ९ हजार ४ सय ६१ रूपैयाँ गरेको सहकारीका कोषाध्यक्ष संगिता श्रेष्ठले प्रस्तुत गरेको प्रतिबेदनमा उल्लेख छ ।
कार्यक्रम संस्थाका अध्यक्ष ज्योती श्रेष्ठको अध्यक्षता, उपाध्यक्ष अर्चना पालिखेको स्वागत मन्तव्य र सचिव पुष्पकिरण श्रेष्ठ सैजुको संचालनमा सम्पन्न भएको थियो ।
