आदर्श अनलाइन दोहा, कतार
गैरआवासीय नेपाली संघ, रास्टिय समन्वय परिषद कतारले नेपाली राजदुतावास कतारका द्दितिय सचीव प्रवीण भट्टराईलाई सम्मान सहित बिदाई गरेको छ ।
आफ्नो चार बर्षको कार्यकाल सकेर नेपाल फर्कन लाग्नुभएका भट्टराईलाई दूतावासमा रहदा नेपाली समाजमा पुर्याएको योगदानको उच्च सम्मान गर्दे शुक्रबार एक कार्यक्रमका बीच बिदाई गरेको हो । सम्मान ग्रहण गर्दे द्दितिय सचीव प्रवीण भट्टराईले दूतावास वाट सेवा प्रवाह गर्ने क्रममा कानुनी रुपमा भएका जटिलतालाई सहज बनाउने कोसिस गरेको बताउनुभयो ।
पासपोर्ट सहज रुपमा उपलब्ध गराउने कतार स्थित दूतावासको पहिलो प्राथमिकता रहेको भन्दै भट्टराईले यसको लागि आफुले इमानदार पुर्वक सकेको प्रयास गरेको बताउनुभयो । अन्य देश भन्दा गल्फ बिशेष रहेको भन्दै उहाँले एनसीसी कतारले कतारमा रहेका स्थापित संघ/सस्थाको नेतृत्व गर्दै उत्कृष्ट काम गरेको भन्दै प्रशंसा गर्नुभयो ।
साथै उहाले परराष्ट्रमा सेवा गर्ने क्रममा थुप्रै देशमा रहदा परिवार संगै रहेपनी कतारमा रहदा आफुले परिवार बाट अलग रहेर कसरी बस्ने सिकेको बताउनुभयो । भट्टराईले एनआरएनमा देखिएको विवाद तर्फ इन्कित गर्दै समान उदेश्य भएका सस्था एक भएर अगाडि बस्नुनै उत्तम रहेको सुझाव दिनुभयो । कार्यक्रममा एनसीसी अध्यक्ष मोहम्मद मुक्तदा मुसलमानले द्दितिय सचिव भट्टराईले कोभिडको कठिन समयमा राहत सामाग्री बितरण देखी रेस्कु फलाईट लाई सहज बनाउन देखाएको सक्रियता उच्च प्रशसनिय रहेको बताउनुभयो ।
मुसलमानले भट्टराईले दूतावासमा रहेर एनआरएनए लगाएत कतारमा स्थापित सम्पुर्ण सामाजिक सस्थालाई अमुल्य सल्लाह सुझाव सहयोग गरेको भन्दै उहाँलाई कतार स्थित नेपाली समुदायले सदैव सम्झने बताउनुभयो ।
कार्यक्रममा आइसिसी सह-कोषाध्यक्ष होमनाथ शर्मा, मध्य पुर्व सह-संयोजक केवि हमाल, आईसीसी सदस्य नरेश श्रेष्ठ, तेज कटुवाल र एनसिसी कतारका सल्लाहकार मनिष यादवले द्दितिय सचिव भट्टराई दूतावासमा रहदा दूतावासमा निश्चित ब्यक्तिको पहुँच हुने परम्परा तोडदै सबैको पहुँच ल्याएको भन्दै प्रशंसा गर्नुभएको थियो ।
गैरआवासीय नेपाली संघ, रास्टिय समन्वय परिषद कतारका अध्यक्ष मोहम्मद मुक्तदा मुसलमानको अध्यक्षतामा भएको कार्यक्रमको सन्चालन महासचिव पदम गिरिले गर्नुभएको थियो ।