रोहन जि.सी बागलुङ
सबिन मेमोरियल क्लब पोखराले आयोजना गरेको “प्रथम हिसान गण्डकी फुटसल प्रतियोगिता–२०७९“ अन्र्तगत धौलागिरी छनौट प्रतियोगिताको उपाधि चिल्ड्रेन लाईफ इंग्लिस बोर्डिङ स्कुलले हात पारेको छ ।
उच्च शिक्षालय तथा माध्यमिक विद्यालय संघ नेपाल (हिसान) गण्डकीको संयोजन र सबिन मेमोरियल क्लब पोखराको आयोजनामा गण्डकी प्रदेश भित्र रहेका हिसानका सदस्य विद्यालयहरुका कक्षा ११ र १२ मा हाल अध्ययनरत विद्यार्थीहरु बीच आपसी मित्रताको भावना अभिप्रेरित गराउने उद्देश्यले आयोजना गरिएको “प्रथम हिसान गण्डकी फुटसल प्रतियोगिता–२०७९“ मा फ्युचर ब्राईटर आवासीय माध्यमिक विद्यालय बागलुङलाई २ को विरुद्ध १० गोल गर्दै चिल्ड्रेन लाईफले जित हासिल गरेको हो ।
प्रतिस्पर्धात्मक खेलमा दुवै टिमले उत्कृष्ट प्रर्दशन गरेका थिए । दुवै टिमको आक्रमक प्रस्तुतीले दर्शकहरुको माहोल तताएको थियो । प्रतियोगितामा चिल्ड्रेन लाईफको तर्फबाट थम्मन थापा (थोमस) ले ४ गोल, निश्चल महतले ३ गोल, राजिव खत्रीले २ र विविध थापा मगरले १ गोल गरेको थिए भने फ्युचर ब्राईटरको तर्फबाट सन्देश मगर र याम बहादुर थापाले समान १÷१ गोल गरेपनि हार व्यहोर्नु परेको हो ।
प्रतियोगिताको समापनमा बोल्दै प्रमुख अतिथि जिल्ला खेलकुद विकास समिति बागलुङका उपाध्यक्ष लोकेन्द्र के.सीले विद्मार्थीलाई खेलकुद जीवनमा आवश्यकका साथसाथै स्वस्थ रहने उपाय रहेको बताउनुभयो । के.सीले विद्मार्थीहरुलाई शिक्षामा र खेलमा उत्तिकै योगदान पु¥याउन आव्हान गर्नुभयो ।
कार्यक्रममा हिसान धौलागिरीका अध्यक्ष बालकृष्ण शर्मा, कोषाध्यक्ष नेत्रलाल न्यौपाने, सदस्य रामप्रसाद घिमिरे, रस आवर फुटसल प्रा.लिका रञ्जन खत्री लगायतले बधाई मन्तव्य व्यक्त गर्नुभएको थियो ।
समापन कार्यक्रम सविन मेमोरियल क्लबका अध्यक्ष सञ्जय लिगलको अध्यक्षता, सदस्य सन्तोष पराजुलीको धन्यवाद र सदस्य जयेन्द्र भट्टराईको सञ्चालनमा सम्पन्न भएको थियो ।
खेलमा साविकको धौलागिरी अञ्चलका ४ टिमको सहभागिता रहेको रस आवर फुटसल प्रा.लिका व्यवस्थापक रोशन खत्रीले जानकारी दिनुभयो ।
उक्त प्रतियोगिता रस हावर फुटसल बागलुङ नगरपालिका – ३, गुठी, बागलुङको मैदानमा सम्पन्न भएको खत्रीले जानकारी दिनुभयो ।
प्रतियोगितामा विजेता टोलीले मेडल, ट्रफी र प्रमाण पत्र र उपविजेता टोलीले प्रमाण पत्र प्राप्त गरेको खत्रीले बताउनुभयो । प्रतियोगितामा सर्वोत्कृष्ट खेलाडिको उपाधि चिल्ड्रेन लाईफ इंग्लिस बोर्डिङका थम्मन थापा (थोमस) ले हासिल गर्नुभएको छ ।
