रोहन जि.सी बागलुङ
बागलुङ नगरपालिका मा.वि स्तरीय पाँचौ संस्करणको राष्ट्रपति रनिङ शिल्ड खेलकुद प्रतियोगिता अन्र्तगतको कबड्डी खेलको उपाधि चिल्ड्रेन लाईफ इङ्लिस बोर्डिङ स्कुल जितेको छ ।
बाङ्गेचौरमा बुधबार सम्पन्न भएको प्रतियोगितामा चिल्ड्रेन लाईफ इङ्लिस बोर्डिङ स्कुलले गरिमा आवासीय मा.विलाई दोब्बर अंकको फरक पार्दै उपाधि चुमेको हो ।
रनिङ शिल्ड प्रतियोगिता अन्तरगत कबड्डी छात्र तर्फ चिल्ड्रेन लाईफ प्रथम, गरिमा आवासीय मा.वि द्धितीय र यु.एस एकेडेमी तृतीय भएको छ । त्यस्तै छात्रा तर्फ यु.एस एकेडेमी प्रथम, कालिका कन्या मन्दिर मा.वि द्धितीय र अमर आदर्श मा.वि तृतीय भएको बागलुङ नगरपालिकाले जानकारी दिएको छ ।
कबड्डी खेलमा प्रथम, द्धितीय र तृतीय हुने विद्मालयलाई क्रमशः ट्रफी, मेडल र प्रमाण पत्र वितरण गरिएको छ । आइतबार देखी शुरु भएको प्रतियोगितामा छात्र कबड्डी तर्फ १३ र छात्रा तर्फ १० विद्मालयको सहभागिता रहेको बागलुङ नगरपालिकाका शिक्षा अधिकृत गौरव रानाले जानकारी दिनुभयो ।
विजेता र उपविजेता विद्मालय र खेलाडीहरुलाई बागलुङ नगरपालिकाका नगर उप—प्रमुख राजु खड्का र प्रमुख प्रशासकिय अधिकृत पुरुषोत्तम सापकोटा, बागलुङ नगरपालिकाका नगर शिक्षा अधिकारी धनप्रसाद पोख्रेल लगायतले पुरस्कार वितरण गर्नुभएको थियो ।
