आदर्श अनलाइन, पोखरा
पोखरामा आगु औषधसहित एक जना पक्राउ परेका छन् । वडा प्रहरी कार्यालय गगनगौंडाबाट खटिएको प्रहरी टोलीले सवारी साधन चेकजांच गर्ने क्रममा पोखरा तर्फ आउदै गरेको बसमा सवार बागलुङ नगरपालिका–८ सिगाना स्थायी घर भई हाल पोखरा–७ रत्नचोक बस्ने २३ वर्षीय ओमित खड्कालाई ९९ एम्पुल लागुऔषधसहित पक्राउ गरेको हो ।
कास्की प्रहरी प्रवक्ता प्रहरी निरीक्षक ज्ञान बहादुर खड्काका अनुसार डाइजापाम ३३ एमपुल, फेनेरागन ३३ एम्पुल र नुर्फिन ३३ एम्पुल लागुओषध प्रहरीले बरामद गरिएको छ । लागुऔषध सहित पक्राउ परेका खड्कालाई कास्की जिल्ला अदालतबाट लागू औषध सम्बन्धी मुद्दामा दश दिनको म्याद थप गरी अनुसन्धान प्रकृया अगाडी बढाइएको प्रहरीले जनाएको छ ।
