आदर्श अनलाइन, बागलुङ
बागलुङ जिल्लाको काठेखोला गाउँपालिका–३ धम्जामा शनिबार साँझ जीप दुर्घटना हुँदा एक जनाको मृत्यु भएको छ ।
बागलुङ सदरमुकाम बागलुङ बजारदेखि धम्जा तर्फ जाँदै गरेको ग १ ज ७१९० नम्बरको जीप काठेखोला–३ रामचालुमा दुर्घटना हुँदा चालक धम्जाका विजय विकको घटनास्थलमै मृत्यु भएको जिल्ला प्रहरी कार्यालयका सूचना अधिकारी मदन केसीले जानकारी दिनुभयो ।
दुर्घटनामा दुई जना महिला घाईते भएका छन् । घाइतेको उपचारको लागि बागलुङ सदरमुकाममा रहेको धौलागिरी अस्पताल ल्याइदै गरेको स्थानीय तिलक खड्काले जानकारी दिनुभयो ।
जीप करिब सडकदेखि ५० मिटर तल खसेको बताईएको छ ।
