आदर्श अनलाइन, बागलुङ
हालै प्रकाशित कक्षा १२ को परिक्षाफलमा विद्यामन्दिर माध्यमिक विद्यालय बागलुङ सत प्रतिशत नतिजा सहित धौलागिरीमै उत्कृष्ट बन्न सफल भएको छ ।
शैक्षिक सत्र २०७९ मा राष्ट्रिय परीक्षा बोर्डबाट लिइएको कक्षा १२ को परीक्षामा विद्यामन्दिर माध्यमिक विद्यालय विज्ञान संकायतर्फ उत्कृष्ट अंक ल्याउन सफल भएको छ । कक्षा १२ को परीक्षामा विद्यामन्दिर माध्यमिक विद्यालयबाट विज्ञान समूह तर्फ ८९ विद्यार्थीहरु परिक्षा दिएका थिए ।
जसअनुसार ३.६० देखि ४. जि.पि.ए सम्म ४ जना, ३.२ देखि ३.६ जि.पि.ए सम्म ५५ जना र २.८ देखि ३.२ सम्म ३० जना विद्यार्थीहरु उत्तीर्ण हुन सफल भएका छन ।
त्यसैगरी विद्यामन्दिर उच्च माध्यमिक विद्यालय व्यवस्थापन, मानविकी र शिक्षा समूह सहित समग्रमा कुल ३७५ परीक्षार्थी मध्ये २८० विद्यार्र्थी उत्तीर्ण हुन सफल भएको विद्यामन्दिर माध्यामिक विद्यालयका प्रधानध्यापक छविरमण रेग्मीले जानकारी दिनुभयो ।
