आदर्श अनलाइन, बागलुङ
बागलुङको धौलागिरी लघुवित्त वित्तीय संस्थाको अध्यक्षमा सिर्जना थापा चयन हुनु भएको छ । संस्थाको पाँचौं वार्षिक साधारण सभाबाट थापा निर्विरोध रुपमा अध्यक्ष चयन हुनु भएको हो ।
साधारणसभाले संस्थापक समूहबाट सुमन प्रसाद श्रेष्ठ, सिर्जना थापा, जीवन आचार्य र शालिकराम शर्मालाई चयन गरेको थियो । सर्वसाधारण समूहबाट २ जना निर्वाचिन गरेको हो । सर्वसाधारणबाट गणेश पौडेल र चेतनारायण सापकोटा सदस्य छन् ।
समितिमा निर्वाचित सदस्यहरुले थापालाई अध्यक्षमा चयन गरेका हुन् । बैंक तथा बित्तीय संस्था सम्बन्धी ऐन २०७३ अनुसार साधाणसभाबाट ६ र १ जना स्वतन्त्र संचालक समितिले नियुक्ती गर्नुपर्ने व्यवस्था बमोजिम अब १ जना नियुक्त गर्न बाँकी छ ।
थापाले पदभार ग्रहण गर्दै संस्थालाई नयाँ उचाइमा पु¥याउन पहल गर्ने बताउनुभयो । धौलागिरी क्षेत्रमा लघुवित्तको काम गर्दै आएको संस्थाले कार्यक्षेत्र बिस्तार गर्दै गुणस्तरीय सेवा दिईरहेको छ ।