आदर्श अनलाइन, बागलुङ
बागलुङमा नेकपा एमालेको दसाँै जिल्ला अधिवेशनको तयारी तीव्र्र पारिएको छ । चैत २९ र ३० गते हुने अधिवेशनका लागि २१ गते बुधबार जिल्लाका १० वटै स्थानीय तहका वडा तहबाट प्रतिनिधि छनौट हुँदै छन् । नयाँ नेतृत्व चयन गर्नका लागि हुने अधिवेशनका लागि प्रतिनिधि छनौटको समेत रस्साकस्सी चलिरहेको छ ।
अधिवेशनमा बागलुङ नगरपालिकाबाट १ सय ११ जना प्रतिनिधि आउने भएका छन् । जस्मा दलितबाट २६ जना, अल्पसङ्ख्यक २ जना र खुल्लामा ८२ जना प्रतिनिधि आउने छन् । काठेखोला गाउँपालिकाबाट दलित २९ जना, अल्पसङ्ख्यक ६ जना, खुल्ला ६६ जना गरि १ सय १ जना प्रतिनिधि आउने भएका छन् । जैमिनि नगरपालिकाबाट दलितमा १२ जना, ६ जना अल्पसङ्ख्यक , खुल्ला ३१ जना गरी ४९ जना आउने छन् ।
बरेङ गाउपालिकाबाट २६ जना आउने छन् । जस्मा दलित ५ जना अल्पसङ्ख्यक मा २ जना र खुल्लामा १९ जना रहने छन् । गल्कोट नगरपालिकाबाट ३६ जना प्रतिनिधि आउने छन् । १३ जना दलित, अल्पसङ्ख्यक मा ३ जना र खुल्लामा २० जना प्रतिनिधि आउने छन् ।
ताराखोला गाउपालिकाबाट १७ जना प्रतिनिधि आउने छन् जस्मा दलितमा ७ जना अल्पसङ्ख्यक मा ३ जना र खुल्लामा ७ जना आउने छन् । बडिगाड गाउँपालिकाबाट ४३ जना प्रतिनिधि आउने छन् जस्मा दलितमा ९ जना, अल्पसङ्ख्यक मा ८ जना र २६ जना आउने छन् ।
ढोरपाटन नगरपालिकाबाट ४१ जना प्रतिनिधि आउने छन् जस्मा दलितमा १८ जना अल्पसङ्ख्यक मा ५ जना र खुल्लामा १७ जना आउने छन् । तमानखोला गाउपालिकाबाट १४ जना प्रतिनिधि आउने छन् । जस्मा दलितबाट ४ जना, ७ जना अल्पसङ्ख्यक मा ३ जना खुल्लामा आउने छन् । निसीखोला गाउँपालिकाबाट २२ जना प्रतिनिधि आउने छन् । जस्मा दलितमा ७ जना खुल्लामा १३ जना आउने छन् ।
भोलि चैत २१ गते बागलुङ जिल्लाको १० वटै स्थानीय तहका ८५ वटै वडामा एकसाथ प्रतिनिधि छनौट गरिने नेकपा एमाले बागलुङका अध्यक्ष हिरा बहादुर केसीले जानकारी दिनुभयो । अधिवेशनका लागि पार्टीका वडा, गाउँ र नगर कमिटिसँगै २१ वटा जनवर्गिय संगठनबाट ३१ जना प्रतिनिधि छनौट हुने छन् ।
१ सय ४७ आयोजक, २ सय ७४ खुल्ला, १ सय ३० दलित, ५५ अल्पसंख्यक, ३१ जनसंगठन गरि ६ सय ३७ जना प्रतिनिधि छनौट हुने अध्यक्ष केसीले जानकारी दिनुभयो । अधिवेशनको उद्घाटन पार्टी अध्यक्ष तथा पूर्व प्रधानमन्त्री केपी शर्मा ओलीले गर्ने एमाले बागलुङका प्रवक्ता चन्द्र प्रकाश शर्मा गणेशले जानकारी दिनुभयो