रोहन जि.सी, बागलुुङ
विद्यार्थी आन्दोलनको लामो समय व्यवस्था परिवर्तनमा सिर्जनात्मक रूप दिदैं अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बागलुङले विभिन्न रचानात्मक कार्यक्रम मंगलबार सम्पन्न गरेको छ ।
नेकपा एमालेको भातृ विद्यार्थी संगठन अनेरास्ववियुले ६० औं स्थापना दिवस एंव हिरक जयन्तीको अवसरमा धौलागिरी बहुमुखी क्याम्पसमा स्वागत ब्यानर अनावरण, विद्यार्थीहरुको प्रतिभा पहिचान, दिप प्रज्वलन लगायतका कार्यक्रम सम्पन्न गरेको छ ।
अनेरास्ववियु बागलुङ जिल्ला कमिटि र अनेरास्ववियु धौलागिरी बहुमुखी क्याम्पस कमिटिको संयुक्त आयोजनामा मंगलबार क्याम्पसको मुख्यद्धारमा स्वागत ब्यानरको अनावरण भएको छ ।
त्यस्तै अनेरास्ववियु बागलुङले अध्ययनमा मात्र नभएर विभिन्न सिर्जना र रचनामा अब्बल रहेका विद्यार्थीको प्रतिभा प्रस्फुटन तथा पहिचान कार्यक्रम आयोजना गरेको थियो ।
नयाँ पुस्ताका रुचि र चाहनाका क्षेत्रमा संगठनले र्डोयाउनका लागि कविता, गायन, नृत्य, मुक्तक, गजल, वाद्यवाधन लगायतका सिर्जनात्मक र रचनात्मक कार्यमा रुचि भएका विद्यार्थीको प्रतिभालाई पहिचानमा जोड दिएको अनेरास्ववियु बागलुङका अध्यक्ष रोशन जि.सीले बताउनुभयो ।
कार्यक्रमको उद्घाटन पछि बोल्दै नेकपा एमाले बागलुङका सदस्य तथा विद्यार्थी फाँटका इन्चार्ज शेखर खड्का (झलक) ले विद्यार्थी आन्दोलनको ६० वर्षे इतिहासमै पृथक कार्यक्रम आयोजनाले विद्यार्थीहरूको रूचि र हाम्रो कार्यशैलीबीच कहाँकहाँ तालमेल मिलिरहेको छैन, ती ठाउँमा अनेरास्ववियुले र्पुयाउने र उनीहरूको रूचि संगठनसँग जोडिने बताउनुभयो ।
कार्यक्रममा अनेरास्ववियु बागलुङका अध्यक्ष रोशन जि.सीले विद्यार्थी आन्दोलनमा अब नवीनता नथप्ने हो भने आन्दोलनले गति लिँदैन र यस प्रकारका कार्यक्रमले विद्यार्थी संगठन आवश्यक नै छैन भन्ने विचारलाई चिर्ने बताउनुभयो ।
कार्यक्रममा नेपाल विद्यार्थी संघ बागलुङका सभापति बिशेष पराजुली, अनेरास्ववियु धौलागिरी बहुमुखी क्याम्पस कमिटी पुर्व अध्यक्ष प्रभु सुवेदी लगायतले मन्तव्य व्यक्त गर्नुभएको थियो ।
प्रतिभा पहिचान कार्यक्रम अन्तरगत विभिन्न विधामा धौलागिरी क्याम्पसमा अध्ययनरत २५ जना भन्दा बढि विद्यार्थीले आफ्नो सिर्जना तथा रचना प्रस्तुत गरेका थिए । कार्यक्रम अनेरास्ववियु धौलागिरी बहुमुखी क्याम्पस कमिटी उपाध्यक्ष चन्द्रिका मगरको अध्यक्षता, सचिव घनश्याम कँडेलको सञ्चालन तथा अनेरास्ववियु बागलुङका सहसचिव मनिष कँडेलको स्वागत मन्तव्यमा सम्पन्न भएको थियो ।
त्यस्तै मंगलबार नै अनेरास्ववियुले ६० औं स्थापना दिवस एंव हिरक जयन्तीको अवसरमा दिप प्रज्जवलन कार्यक्रम सम्पन्न गरेको छ ।
दिपप्रज्वलन कार्यक्रममा नेकपा एमाले बागलुङका सदस्य शेखर खड्का, शिव शर्मा, अनेरास्ववियु बागलुङका अध्यक्ष रोशन जि.सी, धौलागिरी बहुमुखी क्याम्पसका स्ववियू सदस्य आश्मिन शेख, सुदन विश्वकर्मा लगायतको सहभागिता रहेको थियो ।
कार्यक्रम धौलागिरी बहुमुखी क्याम्पस कमिटीका सचिव घनश्याम कँडेलको अध्यक्षता तथा अनेरास्ववियु बागलुङका सहसचिव मनिष कँडेलको सञ्चालनमा सम्पन्न भएको थियो ।
अनेरास्ववियु केन्द्रिय कमिटिको आयोजनामा जेठ १ गतेदेखि काठमाडौँमा विद्यार्थी महोत्सवको आयोजना गरेको छ । जेठ १ देखि ३ गतेसम्म भृकुटीमण्डपमा आयोजना गर्न लागिएको विद्यार्थी महोत्सवमा युवा विद्यार्थीलाई मातृभूमि प्रति प्रेम र स्नेह जगाउँदै ‘नेपालमै पढ्छु, म बनाउँछु मेरो देश नेपाल’ भन्ने भावना जागृत गर्दै ‘विद्यार्थी महोत्सव’ मार्फत नयाँ जागरण ल्याउने प्रयास गर्न लागिएको अनेरास्ववियुका केन्द्रिय सचिव तथा प्रवक्ता प्रकाश पौडेले बताउनुभयो ।