रोहन जि.सी, बागलुङ
बागलुङमा जारी प्रथम आदर्श कप २०८१ को फाइनलमा आयोजक आदर्श विद्यामन्दिर माध्यमिक विद्यालयका दुवै टिम प्रवेश गरेका छन् ।
बुधबार सम्पन्न सेमीफाइनल खेल जित्दै आयोजकका दुवै टोली फाइनलमा प्रवेश गरेका हुन् । फाइनल खेलमा पहिलो रोजाईका खेलाडिले भरिएको आदर्श ‘पहेलो’ टिम माथि दोस्रो रोजाईका खेलाडि सम्मिलित ‘सेतो’ हाबी बन्न सक्ने अनुमान गरिएको छ ।
पहिलो सेमीफाइनल खेलमा अमर आदर्श माविविरुद्व ०–४ गोलको अन्तरले आदर्श विद्यामन्दिर ‘पहेलो’ फाइनलमा प्रवेश गरेको हो । क्वाटरफाइनलको खेलमा गुराँस विद्या सदनविरुद्व ट्राइबेकरमा कठिन जित निकालेको आदर्श विद्यामन्दिर ‘पहेलो’ले सेमीफाइनलमा अमर आदर्शविरुद्व सहजै जित निकालेको हो ।
निकै प्रतिष्पर्धात्मक हुने अनुमान गरिएको खेलमा अमर आदर्शले कुनै जादु देखाउन सकेन । आदर्श ‘पहेलो’को जितका लागि सुझाव बानियाँले दुई गोलको योगदान गर्दा सुशिल पुन मगर र अभिषेक सापकोटाले एक÷एक गोल गरेका थिए ।
बुधबारै सम्पन्न सेमीफाइनलको दोस्रो खेलमा आयोजक आदर्श विद्यामन्दिर ‘सेतो’ले फ्युचर ब्राइटर माविमाथि १–० गोलको प्रतिस्पर्धात्मक जित निकाल्दै फाइनल यात्रा तय गरेको हो । आदर्श ‘सेतो’को जितमा सक्षम सापकोटाले खेलको १६ औं मिनेटमा निर्णायक गोल गरे ।
बिहिबार दिउँसो दुई बजे आयोजक आदर्शका दुई टोली ‘पहेलो’ र ‘सेतो’ बीच फाइनल खेल हुनेछ आयोजक आदर्श विद्यामन्दिर माध्यमिक विद्यालयका शिक्षक दिपक सुवेदीले जानकारी दिनुभयो ।
प्रतियोगिताको विजेताले नगद ६६ हजार ६ सय ६६ रुपैयाँ र उपविजेताले ३३ हजार ३ सय ३३ रुपैयाँसहित ट्रफी, मेडेल र प्रमाणपत्र प्राप्त गर्ने छन् । प्रतियोगितामा उत्कृष्ट खेलाडि, मिडफिल्डर, गोलरक्षक, डिफेन्डर, उच्च गोलकर्ता र वेष्ट स्ट्राइकरलाई विधागत रुपमा पुरस्कृत गरिने आयोजक आदर्श विद्यामन्दिर माध्यमिक विद्यालयका शिक्षक युनिस दिन मिँयाले जानकारी दिनुभयो ।
