आदर्श अनलाइन, बागलुङ
बागलुङमा हालै सम्पन्न खुल्ला फुटबल प्रतियोगिताको उपाधि गहते युवा क्लबले प्राप्त गरेको छ । उक्त प्रतियोगिता ब्रदर्श फुटबल क्लबको आयोजनामा शुरु भएको थियो ।
प्रतियोगिताको फाइनल खेलमा गहते युवा क्लबको दुवै निलो र सेतो टिम बिच प्रतिस्पर्धा भएको थियो ।
सेमिफाइनलमा आयोजकको दुवै टोलीलाई प्रतिस्पर्धात्मक खेल संगै जित हासिल गर्दै गहते युवा क्लब (निलो) र (सेतो) फाइनल प्रवेश गरेका थिए ।
उक्त प्रतियोगिता बागलुङ नगरपालिका वडा नम्बर १४ नारायणस्थानको गर्लुङ मैदानमा सम्पन्न भएको र सो प्रतियोगितामा २२ टिमको सहभागिता रहेको थियो ।
प्रतियोगितामा सर्वोत्कृष्ट खेलाडीको उपाधि गहते युवा क्लब सेतोका राजिब श्रीस, उत्कृष्ट किप्पर आयोजक टिमका सरोज सुवेदी, उत्कृष्ट डिभेन्डर गहते युवा क्लबका निलोका विविध थापा मगर पुरस्कृत भएको गहते युवा क्लबका अध्यक्ष प्रवेश सुवेदीले जानकारी दिनुभयो ।
