आदर्श अनलाइन, बागलुङ
बागलुङ नगरपालिका वडा नम्बर ९ तित्याङलाई बालमैत्री स्थानीय शासन युक्त वडा घोषणा गरिएको छ । पुस मसान्तसम्म बागलुङ नगरपालिकालाई बालमैत्री स्थानीय शासनयुक्त नगर घोषणा गर्ने अभियान स्वरुप बानपा ९ तित्याङलाई बालमैत्री स्थानीय शासनयुक्त वडा घोषणा गरिएको हो ।
बालमैत्री स्थानीय शासनयुक्त वडा घोषणा गर्दै गण्डकी प्रदेशसभा सदस्य तथा पूर्व मन्त्री दिपेन्द्रबहादुर थापाले बालमैत्री स्थानीय शासन युक्त घोषणालाई कार्यान्वयनमा लैजानका लागि सबैको सहकार्य आवश्यक रहेको बताउनुभयो । पछिल्लो समय गाउँबाट बजार झर्नेको संख्या बढ्दै गएपछि विद्यार्थीको संख्या घट्दै गएको उहाँको भनाइ छ ।
अब गाउँमा थोरै विद्यालय तथा आवासीय सुविधासहितको हुनु पर्नेमा थापाले जोड दिए । शिक्षालाई गुणस्तरीय, व्यवहारीक र जीवन उपयोगी गराउहाँु पर्ने थापाले बताउनुभयो । गाउँमा विकास जाने तर मानिस सबै बजार झर्ने गरेको उहाँको भनाइ छ ।
कार्यक्रममा बागलुङ नगरपालिकाका उप–प्रमुख राजु खड्काले शिक्षालाई पहिलो प्राथमिकता दिएर काम गरि रहेको बताउनुभयो । पौष मसान्तसम्म नगरपालिकालाई बालमैत्री पालिका घोषणा गरिने उहाँको भनाइ छ । यसअघि बानपाको वडा नम्वर ४, १३, १४, ११, १, २, ५,६, ७ र ३ लाई बालमैत्री स्थानीय शासन युक्त वडा घोषणा गरिएको थियो ।
अब ८, १० र १२ नम्बर वडालाई घोषणा गर्न बाँकी रहेको र घोषणाको समय पनि तोकिएको नगर उपप्रमुख राजु खड्काले जानकारी दिनुभयो ।
कार्यक्रममा नेकपा एमालेका जिल्ला सचिव गणेश थापा, समन्व्य समितिका सदस्य हरिकला पौडेल, बानपा ६ का वडा अध्यक्ष रुद्रबहादुर केसी, नेपाल पत्रकार महासंघ बागलुङका अध्यक्ष राम थापा अविरल, नेपाल रेडक्रस सोसाइटी बागलुङ शाखाका उपसभापति सीता शर्मा, सिवाइसी नेपालका उपाध्यक्ष लक्ष्मण खड्काले मंतव्य व्यक्त गर्नु भएको थियो ।
त्यसैगरी तित्याङ माविका प्रधानाध्यापक कुमारप्रसाद उपाध्याय, तित्याङ स्वास्थ्य चौकीका प्रमुख नारायणप्रसाद पौडेल, स्थानिय बाल संजालका अध्यक्ष निश्चल थापा र तित्याङ माविका बिद्यार्थी कवुल थापाले पनि मंतव्य व्यक्त गर्नु भएको थियो । बालमैत्री स्थानिय शासनयुक्त वडा घोषणाको प्रतिवेदन वडा अध्यक्ष राजु थापाले प्रस्तुत गर्नुभएको थियो ।
घोषणा पूर्व स्थानीयवासी, जनप्रतिनिधी, बिद्यार्थी, शिक्षक, अभिभावक लगाएतको सहभागीतमा भजन किर्तन, पञ्चेवाजा, झाँकी सहितको ¥याली प्रदर्शन गरिएको थियो । कार्यक्रम वडा अध्यक्ष राजु थापाको अध्यक्षता, वडा सदस्य राजु खड्काको स्वागत तथा टिका थापा र इन्द्रा खड्काको सञ्चालनमा सम्पन्न भएको थियो ।
