आदर्श अनलाइन, दोहा
कतारमा मगरहरूको राष्ट्रिय प्रमुख सांस्कृतिक पर्व ‘माघ्या सकराटी’ (मिनाम सार ल्हेस) ५०१८ भव्य रूपमा मनाइएको छ ।
नेपाल मगर संघ शाखा कतारको आयोजनामा आइडिएल इन्डिएन स्कुलको सभाहलमा साँस्कृतिक कार्यक्रम सहित मनाईएको हो ।
लोक दोहोरी गायिका सम्झना लामिछाने मगरले शुक्रबार कतारमा रहेका नेपाली समुदायलाई छमछमी नचाइन् । गायिका मगरले करिव १ दर्जन गीतमा प्रस्तुति दिइन । चम्फा चमेली, कौडा गित रुमाल धोएर घरमा पराल, देउना रुमाल बैना, फुल फुलेर पहेलै भयो , यसै त डल्ली जस्ता प्रस्तुतिमा हलमा उपस्थित दर्शकले भरपुर्ण मनोरञ्जन लिए ।
कार्यक्रममा कतारमा रहेका अन्य कलाकारहरुले समेत प्रस्तुती राखेका थिए । नेपाल अदिवासी जनजाती महासंघ कतारका अध्यक्ष डिएन मगरको प्रमुख आतिथ्यतामा कार्यक्रम सम्पन्न भएको थियो ।
कतारमा स्थापित विभिन्न संघ संस्थाका अध्यक्ष तथा प्रतिनिधिको उपस्थिती रहेको थियो । कार्यक्रम संघका अध्यक्ष रेशम आले मगरको अध्यक्षता, उपाध्यक्ष देवी कुमारी मगरको स्वागत संघका महासचिव समिर थापा मगर र महिला विभाग सचिव रविना मगरको सहजीकरणमा सम्पन्न भएको थियो ।
