आदर्श अनलाइन, बागलुङ
न जाऊ भन्दा भन्दै परदेश धाइरहेछ
मलाई मेरै देश कै चिन्ताले खाइरहेछ
सामाजिक अभियान्ता तथा युवा जोतिषाचार्य चन्द्रकान्त पौडेलले देशको चिन्ता नामक गीत युट्युबमा सार्वजनिक गर्नुभएको छ । पौडेलेको एकल शब्द स्वर र संगीतमा ‘देशको चिन्ता’ नामक गीति एल्बम सार्वजनिक भएको छ । १६ वर्षदेखि सांगीतिक क्षेत्रमा सक्रिय पौडेलको यो चौथो एल्बम हो । पौडेले जोतिषाचार्य तथा टेलिभिजनमा कार्यक्रम समेत चलाउदै आउनुभएको छ ।
यो एल्बममा उहाँले दुई ओटा गीत ‘देशको चिन्ता’ र ‘वीर गोर्खाली’ राखेको पौडेलको भनाई छ । एल्बमका दुवै गीतको म्युजिक भिडिओको पनि स्वयं पौडेलले नै निर्देशन गर्नुभएको छ भने अजय रेग्मीको छायाङ्कन, अधिनायक मान शेरचनको सम्पादन रहेको छ । गीतको रेकर्डिङ मास्टरिङ तथा एरेन्ज कुमार थापाले गर्नुभएको छ । यो नयाँ गीतले युवाहरू वैदेशिक रोजगारमा पुगेका कारण देश विकसित हुन नसकेको सन्देश यो गीति एल्बमले दिएको छ । गीत चन्द्रकान्त पौडेलकै युट्युव च्यानलमा सार्वजनिक भएको हो ।
दुई दर्जन भन्दा बढी गीतमा स्वर र संगीत दिएका पौडेलले यस अघि ‘प्रसिद्धि’, ‘परदेशी’ जस्ता एल्बम सार्वजनिक गरिसकेका छन् । बहुमुखी प्रतिभा रहेका पौडेलले नेपाल टेलिभिजनमा कार्यक्रम निर्माता, प्रस्तोता एवं रेडियो नेपालमा संस्कृत समाचार सम्पादक प्रस्तोताका रूपमा पनि काम गरिसक्नुभएको छ ।
गुरुकुलमा अध्ययन गर्नुभएका ज्योतिष शास्त्रमा आचार्य(स्नातकोत्तर)सम्म अध्ययन गर्नुभएको पौडेलले नेपाल भरिका संस्कृत गुरुकुलमा बाहुनले मात्र पढ्न पाउने एकल जातीय ‘सिन्डिकेट’ तोड्नका लागि अभियान समेत चलाउदै आउनभुएको छ । भिडियो
