आदर्श सञ्चार, बागलुङ
प्रेस चौतारी नेपाल जिल्ला शाखा बागलुङको आठौं जिल्ला अधिवेशन सुरु भएको छ । अधिवेशनको मंगलबार उद्घाटन गर्दै प्रेस चौतारी नेपालका केन्द्रीय अध्यक्ष गणेश बस्नेतले पत्रकारितालाई मजबुत बनाउन पेसागत संगठनको महत्वपूर्ण भूमिका हुने बताउनुभयो ।
बस्नेतले देश र समाज रुपान्तरणको लागि पत्रकारिता महत्वपूर्ण पेशा भएकाले यसमा लागेकाहरु इमान्दार र क्रियाशिल हुनुपर्नेमा जोड दिनुभयो । पत्रकारबाट आम जनताले धेरै अपेक्षा राखेका हुने भन्दै नागरिकको विश्वास टुट्ने खालका काम गर्न नहुने उहाँको भनाइ छ ।
कार्यक्रममा नेकपा एमालेका पोलिटव्युरो सदस्य मनकुमारी जिसी, प्रेस चौतारीका केन्द्रिय उपाध्यक्ष गणेश पाण्डे, राजेश राई, नेकपा एमाले बागलुङका अध्यक्ष हिराबहादुर केसी, केन्द्रिय सदस्य सावित्रा राना, चौतारीका केन्द्रिय सदस्य एवं बागलुङ जिल्ला इन्चार्ज तारानाथ आचार्य, केन्द्रिय सदस्य कृष्ण थापा, गण्डकी प्रदेश अध्यक्ष इन्द्र पौडेल, जिल्ला शाखका संस्थापक सल्लाहकार हरिनारायण गौतम, पत्रकार महासंघ बागलुङका अध्यक्ष राम थापा, उपाध्यक्ष सुवास आचार्य बागलुङ नगरपालिका वडा नम्बर ६ का अध्यक्ष रुद्रबहादुर केसी, राष्ट्रिय उद्योग व्यापार संगठनका इन्चार्ज रुद्रबहादुर महत, जिल्ला प्रहरी कार्यालय बागलुङका प्रमुख प्रहरी उपरीक्षक ऋषीराम कँडेल, प्रेस युनियन बागलुङका अध्यक्ष संगम घर्ती, प्रेस सेन्टर बागलुङका उपाध्यक्ष अनिष खाती र प्रगतिशील पत्रकार संघका अध्यक्ष विजय रानाले शुभकामना मन्तव्य व्यक्त गरेका थिए ।
कार्यक्रम प्रेस चौतारी बागलुङका अध्यक्ष सिर्जना पन्तको अध्यक्षता, उपाध्यक्ष खेमराज गौतम सुवासको स्वागत र सचिव अर्जुन कार्कीको संचालनमा सम्पन्न भएको थियो ।
अधिवेशनबाट नयाँ नेतृत्व चयनको प्रक्रिया सुरुभएको अध्यक्ष पन्तले जानकारी दिनुभयो ।