आदर्श सञ्चार दोहा, कतार
पर्वत समाज कतारले आयोजना गरेको जिल्ला स्तरीय भलिबल प्रतियोगिताको उपाधी आयोजक पर्वतले हात पारेको छ ।
गैरआवासीय नेपाली संघ, राष्ट्रिय समन्वय परिषद् कतारको खेलकुद विभागको सहकार्यमा इस्लाम धर्मावलम्बीहरूको महान् पर्व इद उल फित्र तथा नेपाली नयाँ वर्ष २०८२ को अवसर पारेर आयोजना गरिएको प्रतियोगिताको बुधबार बिहान सम्पन्न फाइनलमा स्याङ्जा सहयोग समाज कतारलाई हराउदै पर्वत समाज कतारले उपाधी कब्जा गरेको हो ।
गण्डकी प्रदेश भलिबल टिमका पुर्व कप्तान हरी पाण्डेलाई सहभागी बनाएर उपाधीको दाबेदार मानिएको स्याङ्जालाई निकै प्रतिस्पर्धात्मक खेलमा उत्कृष्ट खेल प्रदर्शन गर्दे आयोजक पर्वतले उपाधी माथी कब्जा जमाउन सफल भएको हो ।
बिजेता भएसंगै पर्वतले नगद कतारी रियल तिन हजार पाच सय तथा शिल्ड, मेडल र प्रमाणपत्र प्राप्त गरेको छ । यस्तै दोस्रो भएको स्याङ्जा सहयोग समाज कतारले स्थान नगद कतारी रियल दुई हजार तथा शिल्ड, मेडल र प्रमाणपत्र प्राप्त गरेको छ ।
प्रतियोगीतामा तेस्रो स्थान हासिल गर्न सफल नवलपुर (ए) ले नगद कतारी रीयल एक हजार तथा शिल्ड, मेडल र प्रमाणपत्र प्राप्त गरेको छ भने सान्तवना भएको पर्वत समाज कतार (सेतो) ले नगद करी पाँच सय तथा शिल्ड, मेडल र प्रमाणपत्र प्राप्त गरेको छ ।
बिजेता टोलीलाई गैरआवासीय नेपाली संघ, राष्ट्रिय समन्वय परिषद कतारका अध्यक्ष रमेश भट्ट, पर्वत समाज कतारका प्रमुख संरक्षक छबिलाल भट्टराई, संरक्षक श्यामलाल न्यौपाने, एनसीसी कतार एवं पर्वत समाज कतारका सल्लाहकारहरु लगाएत कतारमा स्थापीत विभिन्न संघ सस्थाका प्रमुख एवं प्रतिनिधि ज्युहरुले पुरस्कार प्रदान गर्नुभएको थियो ।
यस्तै प्रतियोगिताको उत्कृष्ट खेलाडी स्याङ्जा सहयोग समाजका हरी पाण्डे बन्न सफल भएका छन् । यस्तै उत्कृष्ट स्पाइकर पर्वत समाजका रवि सुनार, उत्कृष्ट डिफेन्समा पर्वत समाजका अस्मित मल्ल, उत्कृष्ट ब्लकरमा स्याङ्जा सहयोग समाजका मनिष मानन्धर, उत्कृष्ट लिफ्टरमा स्याङ्जा सहयोग समाजका निर्मल मल्ल र उत्कृष्ट सर्भरमा नवलपुर (ए) का आशिष श्रेष्ठ भएका छन् । प्रतियोगिताको रेफ्रीमा सुर्य थापा, दिपेश थापा, महेन्द्र चौधरी र महेन्द्र मिथुन रहनुभएको थियो ।
गत आइतबार राती नेपाली राजदुतावास कतारका प्रथम सचिव कृष्ण कुमार सुवेदीले उदघाटन गर्दे प्रतियोगिता शुरु भएको थियो ।
