आदर्श सञ्चार, बागलुङ
आदर्श सञ्चारका सहसम्पादक खेमराज गौतम पुरस्कृत हुनुभएको छ । बुधबार बागलुङमा आयोजित एतिहासि चैत्राष्टमी मेला तथा धार्मिक सम्मेलनका अवसरमा ‘कालिका पत्रकारिता पुस्कार’बाट बागलुङ कालिका भगवती गुठी व्यवस्थापन समितिले गौतमलाई पुरस्कृत गरेको हो ।
बागलुङका कालिकाको प्रचारप्रसारमा महत्वपूर्ण योगदान गरेको भन्दै गुठी व्यवस्थापन समितिले गौतमलाई पुरस्कृत गरेको हो । गौतमलाई नगद रु पाँच हजारसहित गण्डकी प्रदेशका मुख्यमन्त्री सुरेन्द्रराज पाण्डेले पुरस्कृत गर्नु भएको हो ।
गौतम वि.सं. २०७० सालदेखि सक्रिय रुपमा पत्रकारिता गर्दै आउनु भएको छ । बागलुङ भगवती गुठीले हरेक वर्ष पत्रकारलाई पुरस्कृत गर्दै आएको छ । कालिका पत्रकारिता पुरस्कारबाट बागलुङका पत्रकार नारायण रिजाल मुकेशचन्द्र राजभण्डारीलाई पनि पुरस्कृत गरेको छ ।
रिजाल र राजभण्डारीलाई पनि जनही रु पाँच हजारले पुरस्कृत गरेको बागलुङ भगवती गुठी व्यवस्थापन समितिका अध्यक्ष कुमार खड्काले जानकारी दिनुभयो ।