कर्मचारी युनियनको क्यालेण्डर विमोचन

आदर्श सञ्चार, म्याग्दी
नयाँ वर्षको स्वागत तथा शुभकामना आदानप्रदानसहित भित्तेपात्रो विमोचन गरिएको छ । नेपाल निजामती कर्मचारी युनियन जिल्ला कार्य समिति म्याग्दीले प्रकाशन गरेकोे भित्तेपात्रो विमोचन गर्नुका साथै शुभकामना आदानप्रदान गरिएको हो ।

विमोचन कार्यक्रममा नेपाली कांग्रेस म्याग्दीका कार्यवाहक सभापति हरिकुमार श्रेष्ठले कर्मचारीका समस्यालाई समाधान गर्ने सकारात्मक एजेण्डामा आफ्नो समर्थन रहेको बताउनु भयो ।

कार्यक्रममा निजामती कर्मचारी युनियनका सल्लाहकार सञ्जिव वाँस्तोला, किरणचन्द्र सुवेदी, चेतनारायण भण्डारी र अमृतप्रसाद कडेल, पूर्व अध्यक्ष ज्ञान गिरी, दयाराम पौडेल निजामती कर्मचारी संगठनका अध्यक्ष सोमवहादुर केसीले शुभकामना मन्तब्य ब्यक्त गर्नुभएको थियो ।

नेपाल निजामती कर्मचारी युनियन म्याग्दीका अध्यक्ष सुमन सुबेदीको अध्यक्षता, उपाध्यक्ष प्रदिप गौतमको स्वागत र तारा बानियाँको सञ्चालनमा सम्पन्न भएको कार्यक्रममा भित्तेपात्रो (क्यालेन्डर) प्रकाशनमा सघाउनेलाई अध्यक्ष सुवेदीले धन्यवाद दिनुभएको थियो ।

यो पनि पढ्नुहोस्