रोहन जि.सी, बागलुङ
फुटबल संघ बागलुङको आयोजनामा बागलुङमा शनिबारदेखि जिल्ला फुटबल लिग प्रतियोगिता सुरु भएको छ । लिगको पहिलो दिन दुई खेल सम्पन्न भएका छन् ।
गुठी युनाइटेड क्लब र रामरेखा युवा क्लब बिच भएको उद्घाटन खेल १–१ बराबरी सकिएको हो । यस्तै दोस्रो खेलमा बागलुङ भगवति क्लब र पावर फिटनेस क्लब बिचमा पनि १–१ बराबरी गोलमा खेल सकिएको हो । निर्धारित समयमा १–१ गोलको बराबर भएपछि दुवै खेलका टिमले समान अंक प्राप्त गरेका छन् । गुठी युनाईटेडको लागि खेलको ८६ औं मिनेटमा सुदिप श्रेष्ठले गोल गर्दै १–० को अग्रता दिलाएका थिए । रामरेखाका सागर बानिँयाले खेलको ८८ औं मिनेटमा गोल गर्दैै खेललाई बराबरीमा पुराएका थिए ।
दोस्रो खेलमा पावर फिटनेस क्लबको लागि खेलको २२ औं मिनेटमा सन्दिप विकले गोल गर्दै १–० को अग्रता दिलाएका थिए । बागलुङ भगवतिका रोशन लामिछानेले खेलको ५५ औं मिनेटमा गोल गर्दैै खेललाई बराबरीमा पुराएका थिए ।
प्रतियोगिता अन्तरगत २९ गतेसमुह खा रुद्रेपिपल युवा क्लब र बिर गोर्खाली युवा क्लब तथा बाल जिवन खेलकुद क्लब र बागलुङ कालिका युवा क्लब बिच खेल हुने जिल्ला फुटबल संघ बागलुङका अध्यक्ष रामराज गुरुङले जानकारी दिनुभयो ।
प्रतयोगितामा प्रथम हुनेले ५५ हजार पाँच सय ५५, द्वितीय हुनेले ३३ हजार तीन सय ३३ प्राप्त गर्ने छन् ।
