आदर्श अनलाइन/मुस्ताङ
मुस्ताङको जोमसोममा ज्याला मजदुरी गरी बस्दैआएकी १८ वर्षीया आईकुमारी बिकलाई शुक्रबार साँझ हेलिकप्टर मार्फत उद्दार गरिएको छ ।
जिल्ला प्रशासन कार्यालय मुस्ताङका अनुसार सुत्केरी हुन नसकेकी बिक दम्पति परिवार केही महिनाअघि काम गर्ने शिलशिलामा मुस्ताङ पुगेका थिए ।
बिकको कास्कीको अन्नपूर्ण गाउँपालिका वडा नम्बर–६ घर हो । केही महिना अघिदेखि कलिलो उमेरकी सुत्केरी बिकको ७ महिनाको गर्भ रहेको र शुक्रबार उनलाई सुत्केरी व्यथा लागेको थियो । पेट, दम र रक्तचापबाट पीडित उनलाई शुक्रबार दिउसो जोमसोम अस्पतालमा पु¥याइएको थियो ।
अस्पतालले सुत्केरीलाई पोखरा लैजान सिफारिस गरेको थियो । मुस्ताङका प्रमुख जिल्ला अधिकारी वेदप्रसाद अर्यालका अनुसार सुत्केरी बिरामीको अवस्था गम्भीर रहेकाले हेलिकप्टर मार्फत उद्दार गरिएको हो ।