आदर्श अनलाइन, बागलुङ
नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले सरकारले व्यवसायीले नाफा गरेको मात्र हेर्न नहुने विचार व्यक्त गरेका छन् ।
बागलुङ उद्योग वाणिज्य संघको ५७ औं वार्षिक साधारणसभालाई शनिबार सम्बोधन गर्दै वरिष्ठ उपाध्यक्ष ढकालले आफू जिल्लाका व्यवसायीले उठाउने मुद्धामा सदैव साथमा रहने प्रतिवद्धता व्यक्त गरेका छन । उनले व्यवसायीले नाफाका साथै देश र समाजलाई गरेको योगदान पनि हेर्नुपर्ने बताएका छन् ।
उनले मध्यम तथा साना उद्यम व्यवसाय बढाउन छरिएर रहेका पुँजी परिचालनका लागि योजनावद्ध रुपमा काम गर्न सकिने बताए । कोभिडले उद्योग व्यवसायलाई समस्यामा परेका कारण सरकारसंग राहात माग्दा उद्योगी व्यवसायीको वदनाम गर्ने काम भएको उनले गुनासो गरे । बागलुङको विकासमा साझेदार गर्न सदैव प्रयत्न रहेको ढकालले स्पष्टपारे ।
सो अवसरमा प्रभु बैंकका प्रमुख कार्यकारी अधिकृत अशोक शेरचनले सहुलियत कर्जा प्रवाहमा व्यवसायीसंग साझेदारी गर्न बैंक तयार रहेको जानकारी गराए । उनले साना व्यवसायीलाई उठाउन प्रभु बैंकको भूमिका महत्वपूर्ण हुने बताए ।