सिर्जना पन्त, बागलुङ
१४ वर्षीया बालिकालाई बलात्कार गरेको कसुरमा जिल्ला अदालत बागलुङले गुल्मीको नेटा–२ घर भएका २५ वर्षीय सुर्य क्षेत्री भन्ने सुर्य खातीलाई १२ वर्ष कैद सजाय फैसला गरेको छ ।
२०७८ वैशाख १ गते बालिकालाई बलात्कार गरेको कसुर ठहर गर्दै जिल्ला न्यायाधीश डा. दिवाकर भट्टको मंसिर २९ गतेको इजलाशले कैदसँगै ४ लाख जरिवाना समेत फैसला गरेको छ ।
खातीले कैद र जरिवाना भुक्तानसँगै पीडित बालिकालाई ३० हजार रुपैयाँ क्षतीपूर्ती दिनुपर्ने गरि अदालतले फैसला भएको जिल्ला अदालत बागलुङका सूचना अधिकारी सुर्य प्रसाद भण्डारीले बताउनुभयो ।
बालिकालाई बलात्कार गरेको आरोपमा वैशाख ३ गते उजुरी परेपछि प्रहरीले सोही दिन खातीलाई पक्राउ गरेको थियो ।
वैशाख २४ गते जिल्ला अदालत बागलुङमा जबरजस्ती करणी शीर्षकमा मुद्धा दर्ता गरेकोमा अदालतको जेठ २ गतेको आदेशले आरोपित खाती हाल सम्म जिल्ला कारागार बागलुङमा पुर्पक्षको लागि थुनामा थिए ।