आदर्श सञ्चार, बागलुङ
नेपाल निजामती कर्मचारी संगठन बागलुङको अध्यक्षमा मनोज कार्की सर्वसम्मत चयन हुनुभएको छ । बुधबार बागलुङमा सम्पन्न १२ औं जिल्ला अधिवेशनले कार्कीको नेतृत्वमा १९ सदस्यीय कार्यसमिति चयन गरेको हो । समितिको उपाध्यक्षमा राधिका थापा मगर र राजु खत्री चयन हुनु भएको छ । त्यस्तै सचिवमा तुलसिराम कँडेल, सह–सचिवमा कसिन्द्र शाही र कोषाध्यक्षमा नकुल शर्मा चयन हुनु भएको छ ।
यस्तै सदस्यहरुमा मिलन थापा मगर, मेघराज रिजाल, यादवदत्त रेग्मी, उषा सुवेदी गौतम, टिकादेवी रिजाल, मोनिका रुचाल, तुल्सी रेग्मी, मानसिंह पुन, सुरेन्द्रप्रसाद पाध्याय, शुयष सापकोटा, ऋषिराम गोतमे, राम बहादुर थापा र रोशन पन्थी चयन हुनुभएको छ । अधिवेशनले लेखा परिक्षण आयोगको संयोजकमा शोभा केसी, सदस्यहरुमा कमल अधिकारी र टेकनारायण रिजाललाई चयन गरेको छ ।
अधिवेशनबाट केन्द्रिय प्रतिनिधिमा श्याम कुमार थापा, रामप्रसाद उपाध्याय, सरस्वती देवि रेग्मी, थम्मन बहादुर रेश्मी, कृष्ण प्रसाद आचार्य प्रदेश प्रतिनिधिमा श्याम कुमार थापा मगर, खिम बहादुर बिक, प्रकाश शर्मा, जुद्ध बहादुर पराजुली, खिम कुमारी राना र देवी कुमारी शर्मा चयन हुनुभएको छ ।
अधिवेशनको उद्घाटन गण्डकी प्रदेश सरकारका स्वास्थ्य मन्त्री कृष्ण प्रसाद पाठकले गर्नु भएको थियो । उहाँले संविधानको परिकल्पना अनुसार चल्न नसक्दा अहिले पनि नीति र कानूनहरु निर्माण हुन नसकेको बताउनु भएको थियो । सरकारले संघिय निजामती सेवा ऐन समयमा ल्याउन नसक्दा प्रदेश र स्थानीय तहका कर्मचारीको मनोवल समेत कमजोर भएको भन्दै उहाँले संघ भन्दा पहिले प्रदेशले पहिले ल्याउँदा बाझिन सक्ने भएकाले प्रदेश सरकारले समेत काम गर्न नसकेको बताउनु भएको थियो । उहाँले सम्वृद्ध समाज निर्माणमा कर्मचारीको सबैभन्दा ठूलो भूमिका हुने भन्दै कर्मचारीको मनोवल उच्च बनाउने गरी ऐन ल्याउनु पर्नेमा जोड दिनुभयो ।
धौलागिरी बहुमुखी क्याम्पसका प्रमुख डा सुदर्शन शिलवाललाई बधाई ज्ञापन गरिएको थियो । भर्खरमात्र क्याम्पस प्रमुखमा नियुक्त भएका शिलवाललाई स्वास्थ्य मन्त्री पाठकले खादा ओढाएर सम्मान गर्नु भएको थियो ।
कार्यक्रममा जिल्ला समन्वय समितिका प्रमुख अमर थापा, नेकपा एमाले जिल्ला कमिटि अध्यक्ष हिराबहादुर केसी, निजामती कर्मचारी संगठनका केन्द्रिय सचिवालय सदस्य भरत भुसाल, सहायक प्रमुख जिल्ला अधिकारी पुष्पराज पौडेल, जिल्ला समन्वय अधिकारी कृष्णराज गौतम, धौलागिरी बहुमुखी क्याम्पसका प्रमुख सुदर्शन सिलवाल, निजामती कर्मचारी युनियन बागलुङका अध्यक्ष देवप्रकाश घिमिरे, नेपाल राष्ट्रिय शिक्षक संगठन बागलुङका अध्यक्ष गंगा कुमारी शर्मा लगाएतले शुभकामना मन्तव्य व्यक्त गर्नु भएको थियो ।
अधिवेशनको उद्घाटन शत्रमा संगठनले प्रकाशन गरेको नेगो स्मारिका विमोचन गरिएको छ । स्वास्थ्य मन्त्री पाठकले स्मारिका विमोचन गर्नु भएको थियो । अधिवेशनले सचिव मनोज कार्कीले प्रस्तुत गरेको सांगठनिक प्रतिवेदन पारित गरेको छ । अधिवेशन संगठनका अध्यक्ष श्याम थापाको अध्यक्षता, केन्द्रिय प्रतिनिधि सरस्वती शर्मा रेग्मीको स्वागत र सचिव मनोज कार्कीको सञ्चालनमा सम्पन्न भएको थियो ।
