आदर्श सञ्चार, बागलुङ
गण्डकी प्रदेशमै पहिलो पटक हेमोडाइलासिस ट्रेनिङ सेन्टरको शुभारम्भ गरिएको छ । पोखरा रहेको प्रदेश स्तरिय जनरल तथा सरुवारोग अस्पतालमा एक समारोहका बिच स्वास्थ्य मन्त्री पाठकले ट्रेनिङ सेन्टरको शुभारम्भ गर्नु भएको हो ।
शुभारम्भ कार्यक्रममा बोल्दै मन्त्री पाठकले गण्डकी प्रदेशमा मृगौलाका बिरामीहरु दिन प्रतिदिन बढदै गएको र अस्पतालहरुमा रहेका हेमोडाइलासिस केन्द्रहरुमा प्राबिधिक जनशक्तिको अभाव हँुदै गएकोले प्रदेश भित्रै तालिम केन्द्र संचालन गरेर दक्ष जनशक्ति उत्पादन गर्नका लागि तालिम केन्द्र संचालन गरिएको बताउनु भयो ।
गण्डकी प्रदेश भित्र १६ वटा हेमोडायलासिस केन्द्र रहेको र उत्त केन्द्रमा ८ सय १४ जना बिरामीले नियमित डायलासिस सेवा, ९९ जना बिरामीले पालो पर्खाईमा रहेको भन्दै मन्त्री पाठकले विरामीले पालो कुनुपर्ने बाध्यताको अन्त्य गर्ने नीति मन्त्रालयको भएको बताउनु भएको थियो ।
निजी डायलासिस केन्द्रमा एउटा बिरामीले एक पटकमा ८ देखि १० हजार रुपैयाँसम्म डायलासिसको खर्च तिर्नुपर्ने समस्याको अन्त्य गर्नका लागि तालिमकेन्द्र सहयोगी हुने उहाँले बताउनु भयो ।
सबै बिरामीलाई निशुल्क डायलासिसको व्यवस्था गर्ने मन्त्रालयको निती अनुरुप तालिम केन्द्रको शुभारम्भ गरिएको उहाँले बताउनु भयो ।
मृगौलाका बिरामीले एक महिनामा न्यूनतम १४ पटक डायलासिस गर्नु पर्ने हुन्छ । डायलासिस सेवा निशुल्क उपलब्ध भएपनि स्रोत र साधनकको सिमितताका कारण सरकारी स्वास्थ्य संस्थामा पूर्ण रुपमा डायलासिस गर्ने वातावरण छैन् ।
गण्डकी प्रदेशमा मात्र सरकारले ८ सय १४ जना बिरामीको मासिक ११ करोड ३६ लाख ६० हजार बराबरको डायलासिस गर्दै आएको छ । आर्थिक भार हेर्दा ठूलो भएपनि नागरिकले प्राप्त गर्ने सेवा र सन्तुष्टी भन्दा महत्पवूर्ण नभएको मन्त्री पाठकले बताउनु भयो ।
प्रादेशिक स्वास्थ्य तालिम केन्द्रका महानिर्देशक हेमन्त शर्माको अध्यक्षतामा आयोजित उक्त कार्यक्रममा प्रादेशिक स्वास्थ्य निर्देशनालयका महानिर्देशक, स्वास्थ्य मन्त्रालयका निमित्त सचिव सुरज गुरौ डा. रेखा पौडेल, मनमोहन मिश्र चिकित्सा महाशाखाका प्रमुख डा. रमेश के. सी. अस्पताल ब्यवस्थापन समितिका अध्यक्ष लगायतले शुभकामना व्यक्त गर्नु भएको थियो ।