आदर्श अनलाइन, बागलुङ
मध्यपहाडी लोकमार्गको बागलुङ खण्डमा यात्रु बाहक बस दुर्घटना भएको छ । दुर्घटनामा २१ जना घाइते भएको प्रहरीले जनाएको छ । रुकुमबाट काठमाण्डौ आउदै गरेको ना ८ ख ८४१४ नम्बरको बस ४० यात्रु सहित बागलुङ जिल्ला सदर मुकाम तर्फ आउदै गर्दा निसीखोला ६ जाउलेपानीमा दुर्घटना भएको छ ।
जिल्ला प्रहरी कार्यालय बागलुङका सूचना अधिकारी सुनिल शर्मा चिलवालका अनुसार दुर्घटनमा चार जना गम्भिर र १७ जना सामान्य घाइते भएका छन् ।
बसमा ४० जना सवार रहेका थिए । ब्रेकफेल भएर बस दुर्घटना भएको प्रारम्भिक अनुमान प्रहरीको रहेको छ । घटनाको थप विवरण भने आउन बाँकी रहेको छ ।
