म्याग्दी। जिल्ला प्रहरी कार्यालय बेनीले विद्युतीय कारोबार ऐन, २०६३ अन्तर्गतको कसुरमा संलग्न बागलुङका मनिष सराईलीलाई पक्राउ गरेको छ ।
प्रहरीका अनुसार पक्राउ परेका उनले नक्कली सामाजिक सञ्जाल खाता सञ्चालन गर्दै अनधिकृत रुपमा गोप्य फोटो तथा भिडियोहरू प्रकाशन प्रसारण गरेका थिए ।
बागलुङको तमानखोला गाउँपालिका १ स्थायी घर भइ हाल कास्कीको अन्नपूर्ण गाउँपालिका २ नौडाँडामा बसोबास गर्दै आएका ३२ वर्षीय रसाईली विरुद्ध जिल्ला प्रहरी कार्यालय म्याग्दीमा उजुरी परेको थियो ।
कास्की प्रहरीको सहयोगमा रसाईलीलाई नौडाँडाबाट नियन्त्रणमा लिएर विद्युतीय कारोबार ऐनअनुसार कानुनी कारबाही बढाएको जिल्ला प्रहरी कार्यालय बेनीका सूचना अधिकारी प्रहरी निरीक्षक सागर तिमिल्सिनाले जानकारी दिनुभयो ।
