बागलुङ । हप्तामा एक दिन सार्वजनिक बिदा हुँदै आएकोमा सरकारले दुइ दिन बिदा दिने निर्णय गरेको छ ।
मन्त्रिपरिषदको आइतवार बसेको वैठकले शनिवार र आइतवार बिदा दिने निर्णय गरेको हो । यसभन्दा पहिला शुक्रवार आधादिन र शनिवार पूरा दिन बिदा दिने गरिएको थियो ।
सरकारी कार्यालय र शैक्षिक संस्थामा चैत २३ गतेदेखि लागु हुने गरी शनिवार र आइतवार बिदा दिने निर्णय भएको सरकारका प्रवक्ता सस्मित पोखरेलले जानकारी दिनुभयो ।
बिदा बाहेकका दिनमा विद्यालय बाहेक सरकारी कार्यालयहरु बिहान ९ बजेदेखि अपरान्ह ५ बजेसम्म सञ्चालन हुने प्रवक्ता पोखरेलले जानकारी दिनुभयो ।
पेट्रालियम आपूर्तीमा उत्पन्न असहजताका कारण यो निर्णय गरेको पोखरेलको भनाइ छ ।
